ദയവുചെയ്ത് ആ ചതിക്കുഴിയില്‍ വീഴാതിരിക്കൂ !!! തട്ടിപ്പിനെക്കുറിച്ച് മുന്നറിയിപ്പുമായി അഹാന കൃഷ്ണ

ഞാന്‍ സ്റ്റീവ് ലോപസ് എന്ന ചിത്രത്തിലൂടെ മലയാള സിനിമയില്‍ അരങ്ങേറ്റം കുറിച്ച താരമാണ് നടി അഹാന കൃഷ്ണ. പ്രേക്ഷകരുടെ പ്രിയപ്പെട്ട താരം കൃഷ്ണകുമാറിന്റെ മകള്‍ കൂടിയാണ് അഹാന. നല്ലൊരു അഭിനേത്രിയോടൊപ്പം നല്ലൊരു ഗായികയും മോഡലുമാണ് അഹാന. സോഷ്യല്‍ മീഡിയയില്‍ വളരെയധികം സജീവമായ താരത്തിന് ഒരു യൂട്യൂബ് ചാനല്‍ ഉണ്ട്. സഹോദരിമാരായ ഇഷാനിയും ദിയയും ഹന്‍സികയും പ്രേക്ഷകര്‍ക്ക് പ്രിയങ്കരികളാണ്. ഒരു കുടുംബത്തിലെ എല്ലാവര്‍ക്കും വളരെ ചുരുങ്ങിയ സമയം കൊണ്ട് പ്രേക്ഷകശ്രദ്ദ ലഭിക്കുക എന്നത് ചെറിയ കാര്യമല്ല, താര കുടുംബത്തിലെ വിശേഷങ്ങള്‍ എല്ലാം അറിയാന്‍ ആരാധകര്‍ക്കും ഏറെ ആകാംക്ഷയാണ്.

ഇന്‍സ്റ്റഗ്രാമില്‍ അഹാന പങ്കുവയ്ക്കുന്ന ചിത്രങ്ങളെല്ലാം വളരെ ചുരുങ്ങിയ സമയം കൊണ്ട് ശ്രദ്ധേയം ആകാറുണ്ട്. സഹോദരിമാര്‍ക്ക് ഒപ്പമുള്ള വീഡിയോകളും ഡാന്‍സ് വീഡിയോകളും എല്ലാം താരം ഷെയര്‍ ചെയ്യാറുണ്ട്. ഇപ്പോഴിതാ സോഷ്യല്‍ മീഡിയ നടക്കുന്ന ഒരു തട്ടിപ്പിനെക്കുറിച്ച് താരം ആരാധകരോട് വെളിപ്പെടുത്തുകയാണ്.

അക്കൗണ്ടുകള്‍ വെരിഫൈ ചെയ്ത് കൊടുക്കും എന്ന രീതിയില്‍ പലരും നിങ്ങളുടെ സമീപിക്കുമെന്നും , ആ ചതികുഴിയില്‍ വീഴരുതെന്നും താരം പറയുന്നു. നമ്മുടെ അക്കൗണ്ടിന്റെ പാസ്വേഡുകള്‍ ചോദിച്ചു മനസ്സിലാക്കുകയും അതിലൂടെ വളരെ താമസിയാതെ തന്നെ നിങ്ങളുടെ അക്കൗണ്ട് ബാന്‍ഡ് ചെയ്‌തേക്കാം എന്നും താരം മുന്നറിയിപ്പ് നല്‍കുന്നുണ്ട്. ഇത്തരം മെസ്സേജുകള്‍ കഴിവതും കണ്ടില്ലെന്ന് നടിക്കുകയാണ് വേണ്ടതെന്നും സഹായിക്കാമെന്ന രീതിയില്‍ ഇവര്‍ പല അടവുകളും പയറ്റും അതൊന്നും ശ്രദ്ധിക്കേണ്ട കാര്യമില്ലെന്നും താരം പറഞ്ഞുവയ്ക്കുന്നു. ഇതുപോലെ അക്കൗണ്ട് പൂട്ടിപ്പോകുന്ന നിരവധിപേരെ തനിക്കറിയാമെന്നും താരം കൂട്ടിച്ചേര്‍ക്കുന്നു.