‘മക്കൾ ഒന്നാമത്’: വേർപിരിഞ്ഞെങ്കിലും മക്കൾക്ക് വേണ്ടി ഒത്തുചേർന്ന് ‘താരദമ്പതികൾ’, ധനുഷിനൊപ്പം ഐശ്വര്യയും വിജയിക്കൊപ്പം ദർശനയും, വൈറലായി ചിത്രങ്ങൾ

പുതിയ കാലഘട്ടത്തിൽ വിവാഹമോചനം ജീവിതത്തിൽ ഒരു സാധാരണ സംഭവമായി മാറി കൊണ്ടിരിക്കുകയാണ്. പക്ഷേ വേർപിരിഞ്ഞാലും മക്കൾക്കു വേണ്ടി ഒന്നിക്കുന്നവരാണ് മിക്കവരും. അത്തരത്തിൽ ഒന്നിച്ച താരദമ്പതികളാണ് ഇപ്പോൾ സോഷ്യൽ മീഡിയയിൽ തരംഗമായിരിക്കുന്നത്. അതിൽ ഒനു താരജോഡി ധനുഷും ഐശ്വര്യയും ആണ്. അടുത്തത്, വിജയ് യേശുദാസും ദർശനയും ആണ്.

സിനിമാലോകം ഞെട്ടലോടെ കേട്ട വിവാഹമോചന വാർത്ത ആയിരുന്നു തമിഴ് സൂപ്പർ താരം ധനുഷിന്റെയും ഭാര്യ ഐശ്വര്യയുടെയും. ഐശ്വര്യയുടെ പിതാവും നടനുമായ രജനികാന്ത് ഉൾപ്പെടെയുള്ളവർ ഇരുവരെയും ഒന്നിപ്പിക്കാൻ ശ്രമം നടത്തിയെങ്കിലും വേർപിരിയലിലേക്ക് ഇരുവരും എത്തിച്ചേരുകയായിരുന്നു. 18 വർഷത്തെ വിവാഹജീവിതത്തിനു ശേഷമായിരുന്നു ഇരുവരുടെയും വിവാഹമോചനം. യാത്ര, ലിംഗ എന്നിങ്ങനെ രണ്ടു മക്കളാണ് ഈ താരദമ്പതികൾക്ക് ഉള്ളത്. വിവാഹമോചനം നേടിയെങ്കിലും ഇരുവരും നല്ല സുഹൃത്തുക്കളായി തന്നെയാണ് മുന്നോട്ട് പോയത്. ഇപ്പോൾ മക്കൾക്കു വേണ്ടി ഒരുമിച്ചെത്തിയിരിക്കുകയാണ് ഇവർ.

ഇവർക്കൊപ്പം വിജയ് യേശുദാസും ദർശനയുമുണ്ട്. ഈ വർഷം ആദ്യമായിരുന്നു ഇവരും വിവാഹമോചിതരായത്. വിവാഹജീവിതത്തിൽ താളപ്പിഴകൾ സംഭവിച്ചിട്ടുണ്ടെന്ന് വിവാഹമോചനത്തിനു ശേഷം വിജയ് യേശുദാസ് തുറന്നു പറഞ്ഞിരുന്നു. വിവാഹമോചനം നേടിയെങ്കിലും അച്ഛൻ, അമ്മ എന്ന നിലയിൽ തങ്ങൾ ഒരുമിച്ചായിരിക്കുമെന്നും വിജയ് പറഞ്ഞിരുന്നു. മകൾക്കു വേണ്ടി ഇവരും ഒരുമിച്ചെത്തിയിരിക്കുകയാണ്. ധനുഷും ഐശ്വര്യും വിജയ് യേശുദാസും ദർശനയും സുഹൃത്തുക്കളാണ്. അതുകൊണ്ടു തന്നെ മക്കൾക്കു വേണ്ടി ഒരുമിച്ചപ്പോഴും ഇവർ നാലുപേരും ഒരുമിച്ചെത്തി. ദർശനയാണ് ഒരുമിച്ചുള്ള ചിത്രം ഇൻസ്റ്റഗ്രാമിൽ സ്റ്റോറിയാക്കി ഐശ്വര്യയെയും ധനുഷിനെയും വിജയിയെയും ടാഗ് ചെയ്ത്. ‘കിഡ്‌സ് ഫസ്‌റ്റ്’ എന്ന ടാഗോടു കൂടിയായിരുന്നു സ്റ്റോറി. ‘ഈ അത്ഭുതകരമായ കുട്ടികളെക്കുറിച്ച് അഭിമാനിക്കുന്ന മാതാപിതാക്കൾ’ എന്ന് കുറിച്ച് ആയിരുന്നു ദർശനയുടെ സ്റ്റോറി.