പാർവതിയുടെ കഥാപാത്രങ്ങൾ എന്നെ ഏറെ കൊതിപ്പിക്കുന്നുണ്ട്; മനസ്സ് തുറന്ന് ഐശ്വര്യ ലക്ഷ്മി

അഭിനയിച്ച ചിത്രങ്ങളെല്ലാം ഹിറ്റ് ആക്കി കൊണ്ട് ഏത് കഥാപാത്രത്തെയും തന്റെ ഉള്ളംകൈയിൽ ആക്കുന്ന ഭാഗ്യ നടി എന്ന പേര് ലഭിച്ച താരമാണ് ഐശ്വര്യ ലക്ഷ്മി. നല്ല കഥാപാത്രങ്ങൾ ലഭിക്കുമ്പോഴും അതിനെ വിജയത്തിൽ എത്തിക്കുമ്പോഴും പാർവ്വതിയുടെ അഭിനയത്തിലെ രഹസ്യം തിരയുകയാണ് താരമിപ്പോൾ. പാർവതിയുടെ ഓരോ കഥാപാത്രങ്ങളും തന്നെ ഏറെ കൊതിപ്പിക്കുന്നു എന്നാണ് ഐശ്വര്യ പറയുന്നത്. പാർവതിയുടെ കഥാപാത്രങ്ങൾ തന്നെ ഏറെ കൊതിപ്പിക്കുന്നുണ്ടെന്നും ഇത്രയും നന്നായി അഭിനയിക്കാൻ സാധിച്ചിരുന്നെങ്കിൽ എന്ന് താൻ പലവട്ടം ആഗ്രഹിച്ചിരുന്നു എന്നും ഐശ്വര്യ പറയുന്നു.

പാർവതിയുടെ ചിത്രങ്ങളിൽ ഏറ്റവും പ്രിയപ്പെട്ടത് ഏത് എന്ന് പറയുവാൻ പ്രയാസമാണെന്നും എന്ന് നിന്റെ മൊയ്തീൻ എന്ന ചിത്രത്തിലെ ഇമോഷണൽ സീൻ എത്ര കണ്ടാലും മതിവരില്ല എന്നും താരം കൂട്ടിച്ചേർക്കുന്നു. എന്നെങ്കിലും പാർവതിയെ കണ്ടാൽ ഒരു ചോദ്യം ചോദിക്കുവാൻ ഐശ്വര്യ ഒരുക്കിവെച്ചിട്ടുണ്ട്. തനിക്ക് നന്നാവാൻ ആയി കുറച്ചു ടിപ്സ് പറഞ്ഞു തരുമോ എന്നാണ് ആ ചോദ്യം. തനിക്ക് ഇഷ്ടപ്പെട്ട മലയാള സിനിമകൾ ഏറെയാണെന്നും പഴയകാല സിനിമകളിൽ തന്നെ ഏറ്റവും കൊതിപ്പിച്ചത് ഉർവശിയുടെ കഥാപാത്രങ്ങളാണ് എന്നും താരം പങ്കുവെക്കുന്നു.