സോഷ്യൽ മീഡിയയിൽ വൈറലായി കേരളത്തിന്റെ സ്വന്തം ‘ഐശ്വര്യ റായി’യുടെ പുതിയ ഫോട്ടോഷൂട്ട്; ഫോട്ടോസ്

മോഡലിംഗ് രംഗത്തുനിന്നും അഭിനയരംഗത്തെത്തി ലോകസുന്ദരിപ്പട്ടം കരസ്ഥമാക്കിയ ഐശ്വര്യ റായിയെ മലയാളികൾക്ക് ഏറെ പ്രിയമാണ്. മലയാളത്തിലെ സൂപ്പർതാരങ്ങളായ മമ്മൂട്ടിയ്ക്കും മോഹൻലാലിനുമൊപ്പം ഐശ്വര്യ റായ് അഭിനയിച്ചിട്ടുണ്ട്. മോഹൻലാൽ നായകനായി എത്തിയ ഇരുവർ എന്ന തമിഴ് ചിത്രത്തിലൂടെ അഭിനയരംഗത്ത് അരങ്ങേറ്റം കുറിച്ച ഐശ്വര്യറായി പിന്നീട് ബോളിവുഡ് അടക്കിഭരിക്കുന്ന നടിമാരിൽ ഒരാളായി മാറി.

പിന്നീട് അഭിനയകുലപതികളായ ബച്ചൻ കുടുംബത്തിന്റെ മരുമകളായി മാറുകയും അഭിനയം തുടരുകയും ചെയ്തു. എന്നാൽ ഈ താരത്തിന് മലയാളത്തിൽ ഒരു അപര ഉണ്ട് എന്ന വാർത്തയാണ് ഇപ്പോൾ വെളിപ്പെടുന്നത്. മലയാളി യുവതിയായ അമൃത അമ്മു എന്ന പെൺകുട്ടി തന്റെ ടിക് ടോക് വീഡിയോ പങ്കുവെച്ചപ്പോൾ പലരും ഐശ്വര്യറായിയുടെ ഫോട്ടോകോപ്പി ആണെന്ന് പറയുകയുണ്ടായി. മമ്മൂട്ടിയോടും മോഹൻലാലിനോടും ഒപ്പമുള്ള ഐശ്വര്യറായിയുടെ പല ഡയലോഗുകളും ടിക് ടോക് ചെയ്തതിനു ശേഷമാണ് അമൃത വൈറലായത്.

പല സോഷ്യൽ മീഡിയകളിലും ഈ പെൺകുട്ടി ആരാണെന്ന് ചോദിച്ചാൽ പലരും വീഡിയോ അപ്‌ലോഡ് ചെയ്തിട്ടുണ്ട്. ഐശ്വര്യറായിയുടെ അതേ നക്ഷത്രകണ്ണുള്ള അമൃതയെ കണ്ടാൽ ഒറ്റനോട്ടത്തിലും ഭാവത്തിലും അഭിനയത്തിലും ഐശ്വര്യ ആണന്നെ പറയുകയുള്ളൂ. അമൃതയെ തേടി സിനിമയിൽ നിന്നും ഓഫറുകൾ വരുമോ എന്ന് പ്രതീക്ഷിച്ചിരിക്കുകയാണ് അമൃതയുടെ ആരാധകർ. അതിനിടയിൽ അമൃതയുടെ പുതിയ ഫോട്ടോഷൂട്ട് സോഷ്യൽ മീഡിയയിൽ വൈറലായിരിക്കുകയാണ്. ദിലീപ് ഡി കെയാണ് ചിത്രങ്ങൾ പകർത്തിയിരിക്കുന്നത്.