ഒടുവില്‍ അലീന പടിക്കലും രോഹിതും ഒന്നിച്ചു; വിവാഹ ചിത്രങ്ങള്‍ കാണാം

നടിയും അവതാരകയും ബിഗ് ബോസ് താരവുമായ എലീന പടിക്കല്‍ വിവാഹിതയായി. രോഹിത് പ്രദീപ് ആണ് വരന്‍. ഇന്ന് രാവിലെ കോഴിക്കോട് വച്ചായിരുന്നു ചടങ്ങുകള്‍. കൊവിഡ് മാനദണ്ഡങ്ങള്‍ പാലിച്ചു നടത്തിയ വിവാഹത്തില്‍ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്.

ചടങ്ങില്‍ പട്ടു സാരിയണിഞ്ഞു ടെമ്പിള്‍ സെറ്റ് ആഭരണങ്ങളില്‍, സിംപിള്‍ ആയിട്ടാണ് എലീന വിവാഹ മണ്ഡപത്തില്‍ എത്തിയത് . കഴിഞ്ഞ ദവിസം താരത്തിന്റെ മെഹന്ദി ആഘോഷത്തിന്റെ ചിത്രങ്ങള്‍ പുറത്തുവന്നിരുന്നു. പര്‍പ്പിള്‍ ലെഹങ്കയാണ് താരത്തിന്റെ മെഹന്ദി വേഷം. അതേസമയം ഇവരുടെ വിവാഹ നിശ്ചയം തിരുവനന്തപുറത്തുവെച്ചാണ് നടന്നത്. കോഴിക്കോട് സ്വദേശിയും എന്‍ജിനീയറുമായ രോഹിത് പി നായര്‍ ആണ് വരന്‍. തനിക്കൊരു പ്രണയമുള്ള കാര്യം ബിഗ് ബോസ് വേദിയില്‍ വച്ചാണ് എലീന ആദ്യമായി വെളിപ്പെടുത്തിയത്. അവിടുത്തെ സുഹൃത്തുക്കളോടായിരുന്നു എലീനയുടെ തുറന്നുപറച്ചില്‍. വരന്‍ മറ്റൊരു വിഭാഗത്തില്‍ നിന്നുവരുന്ന ആളാണെന്നും മാതാപിതാക്കള്‍ സമ്മതിച്ചാല്‍ മാത്രമേ തങ്ങള്‍ വിവാഹിതരാവൂ എന്നും എലീന അന്ന് പറഞ്ഞിരുന്നു.

അവതാരക അഭിനേത്രി എന്നിങ്ങനെ ഒന്നിലധികം മേഖലകളില്‍ കഴിവ് തെളിയിച്ച താരമാണ് എലീന. ഭാര്യ എന്ന സീരിയലിലൂടെയാണ് താരം പ്രേക്ഷകരുടെ പ്രിയപ്പെട്ട നടിയായി മാറിയത്. ഇതിലെ താരത്തിന്റെ അഭിനയം ശ്രദ്ധിക്കപ്പെട്ടിരുന്നു. വില്ലത്തി വേഷത്തിലാണ് എത്തയതെങ്കിലും. മികച്ച അഭിനയം തന്നെയായിരുന്നു താരം കഴ്ചവെച്ചത്.