നടിയും അവതാരകയുമായ എലീന പടിക്കലിന്റെ വിവാഹനിശ്ചയം കഴിഞ്ഞു. കോഴിക്കോട് സ്വദേശിയായ രോഹിത് പി.നായരാണ് വരന്‍. എന്‍ജീയറാണ് രോഹിത്. തിരുവനന്തപുരത്തെ ഹൈസിന്ത് ഹോട്ടലില്‍വെച്ചായിരുന്നു ചടങ്ങ്. അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങില്‍ പങ്കെടുത്തത്.എലീന ധരിച്ച വസ്ത്രത്തിനും ഉണ്ട് ഒരുപാട് പ്രത്യേകത, ആന്റിക് ഗോൾഡ് കളർ ലെഹങ്ക ഡ്രസിൽ ആണ് എലീന ചടങ്ങിന് എത്തിയത്.
അറുപത് തൊഴിലാളികൾ 500 മണിക്കൂറിൽ തുന്നിയെടുത്തതാകും എലീനയുടെ വസ്ത്രം. നെറ്റ് ലെഹങ്കയിൽ സർവോസ്ക്കി സ്റ്റോണുകൾ പതിപ്പിച്ചിട്ടുണ്ടാകും എന്നതാണ് പ്രത്യേകത. പതിനായരകണക്കിനു രൂപ വിലമതിക്കുന്ന സർവോസ്ക്കി സ്റ്റോണുകൾ, സർവോസ്ക്കി ബീഡ്‌സും തന്നെയാണ് ഈ ഡ്രെസ്സിന്റെ പ്രധാന ആകർഷണവും. സമീറ ഷൈജു തനൂസ് കൊല്ലം ആണ് എലീനയുടെ സ്പെഷ്യൽ ഡേയെ കളര്ഫുള്ളാക്കി മാറ്റിയത്.
ആറ് വര്‍ഷമായി ഇരുവരും പ്രണയത്തിലാണ്. വത്യസ്ത മതവിഭാഗത്തില്‍പ്പെട്ടവരായതിനാല്‍ വീട്ടുകാര്‍ തുടക്കത്തില്‍ എതിര്‍പ്പ് പ്രകടിപ്പിച്ചിരുന്നുവെന്നാണ് എലീന ഒരു ടെലിവിഷന്‍ പരിപാടിക്കിടെ പറഞ്ഞത്. വിവാഹത്തിന് വീട്ടുകാരുടെ സമ്മതത്തിനായുള്ള കാത്തിരിപ്പിലായിരുന്നു. ഇരുവരും. രണ്ടു കുടുംബങ്ങളുടെയും ആശിര്‍വാദത്തോടെ ഓഗസ്റ്റില്‍ ഇവര്‍ വിവാഹിതരാകും
15 വയസ്സില്‍ തുടങ്ങിയ പ്രണയമാണ്, 24 വയസ്സിൽ പൂവണിയാൻ പോകുന്നത്. ബിഗ് ബോസില്‍ വെച്ചാണ് ഞാന്‍ പ്രണയത്തെക്കുറിച്ച് ആദ്യമായി പറഞ്ഞത്. വീട്ടുകാര്‍ സമ്മതിച്ചാല്‍ മാത്രമേ ഞങ്ങള്‍ മുന്നോട്ട് പോവുള്ളൂവെന്നും അന്ന് പറഞ്ഞിരുന്നു. രോഹിത് പി നായരെന്നാണ് ആളുടെ പേര്, ഹിന്ദുവാണ്, ഇന്റര്‍കാസ്റ്റ് മാര്യേജാണ്. എന്റെ പ്രായമാണ് പുള്ളിക്കും. എഞ്ചിനീയറാണെങ്കിലും ഇപ്പോള്‍ ബിസിനസില്‍ സജീവമാണ്. കോഴിക്കോടാണ് അദ്ദേഹത്തിന്റെ വീടെന്നുമായിരുന്നു എലീന തന്റെ വിവാഹത്തിനെക്കുറിച്ച് പറഞ്ഞത്
