മകളുടെ ചിത്രം പങ്ക് വെച്ച് അല്ലു അർജുൻ; എന്തൊരു ക്യൂട്ടെന്ന് ആരാധകർ

ആര്യ എന്ന ഒറ്റച്ചിത്രം കൊണ്ട് മലയാളി പ്രേക്ഷകരുടെ പ്രിയങ്കരനായി തീർന്ന തെലുങ്ക് സൂപ്പർസ്റ്റാറാണ് അല്ലു അർജുൻ. അവസാനമിറങ്ങിയ അങ്ങ് വൈകുണ്ഠപുരത്ത് എന്ന ചിത്രവും വമ്പൻ വിജയമാണ് കൊയ്തത്. മറ്റൊരു തെലുങ്ക് താരത്തിനുമില്ലാത്ത ഒരു ആരാധകവൃന്ദം അല്ലു അർജുന് കേരളത്തിലുണ്ട്. അതേ സ്‌നേഹം അല്ലു അർജുൻ തിരിച്ചും കാണിക്കുന്നുണ്ട്. പ്രളയം ദുരന്തം വിതച്ചപ്പോഴും കൊറോണ ഭീതിയിൽ നടുങ്ങിയപ്പോഴുമെല്ലാം കേരളത്തിന് അല്ലു അർജുൻ സഹായഹസ്‌തം നീട്ടിയിട്ടുണ്ട്.

ഇപ്പോൾ സോഷ്യൽ മീഡിയ നിറഞ്ഞു നിൽക്കുന്നത് അല്ലു അർജുൻ പങ്ക് വെച്ച മകൾ അർഹയുടെ ഫോട്ടോയാണ്. അല്ലു അരവിന്ദ് – നിർമല ദമ്പതികൾക്ക് രണ്ടു മക്കളാണ് ഉള്ളത്. അയാനും അർഹയും. അല്ലു അർജുന്റെ മകളുടെ ഫോട്ടോ ഏറ്റെടുത്ത ആരാധകർ എന്തൊരു ക്യൂട്ടാണ് മകൾ എന്നാണ് കമന്റുകൾ ഇടുന്നത്. ആര്യ ഒരുക്കിയ സുകുമാർ സംവിധാനം നിർവഹിക്കുന്ന പുഷ്പയാണ് അല്ലു അർജുന്റെ പുതിയ ചിത്രം.