റോബർട്ട് ഡൗണി Jrന്റെ പ്രതിഫലത്തിന്റെ ഏഴിലൊന്ന് ബഡ്ജറ്റ്..! തൊബാമയെക്കുറിച്ച് അൽഫോൻസ് പുത്രേൻ

നേരവും പ്രേമവും മലയാളികൾക്ക് സമ്മാനിച്ച സംവിധായകൻ അൽഫോൻസ് പുത്രേൻ നിർമാതാവാകുന്ന ചിത്രമാണ് തൊബാമ. സിജു വിൽസൺ, കൃഷ്ണശങ്കർ, ഷറഫുദ്ധീൻ എന്നിവർ ഒരുമിക്കുന്ന ചിത്രം നാളെ മുതൽ തീയറ്ററുകളിൽ എത്തുകയാണ്. നവാഗതനായ മൊഹ്‌സിൻ കാസിമാണ് സംവിധാനം. ചിത്രത്തിന് വേണ്ടി കൃഷ്ണശങ്കർ തടി കൂട്ടിയിരുന്നു. സൗഹൃദത്തിന്റെയും ഗൃഹാതുരത്വത്തിന്റെയും പ്രണയത്തിന്റെയും എല്ലാം നിരവധി മനോഹരകാഴ്ചകൾ ഉള്ളിലൊളിപ്പിച്ചാണ് തൊബാമ എത്തുന്നത്. ചിത്രത്തെ കുറിച്ച് നിർമാതാവ് അൽഫോൻസ് പുത്രേൻ തന്റെ ഫേസ്ബുക്ക് പേജിൽ കുറിച്ചതിങ്ങനെ,

“നാളെ avengers എന്ന സിനിമയും ഇറങ്ങുന്നുണ്ട് . അതിൽ അഭിനയിക്കുന്ന Robert Downey Jr വാങ്ങുന്ന പ്രതിഫലത്തിന്റെ 7il ഒന്ന് മാത്രമാണ് ഞങ്ങളുടെ സിനിമയുടെ total budget . തൊബാമയിൽ സൂപ്പർ heroes ഇല്ല … പക്ഷെ സാധാരണ ഹീറോസ് ഉണ്ട് … നല്ല ചങ്കോറപ്പൊള്ള നടന്മാരുണ്ട്.
കഥാപാത്രങ്ങൾക്കു വേണ്ടി നല്ലോണം പണിയെടുത്ത ഒരുപാട് ആൾക്കാര് ഈ സിനിമയിൽ ഉണ്ട്.
പിന്നെ പുതുമ… അത് പ്രതീക്ഷിക്കരുത് 🙂 🙂 🙂 :)”

പുതുമ ഒന്നും ഇല്ലായെന്ന് അവകാശപ്പെട്ട് തീയറ്ററുകളിലെത്തിയ നേരവും പ്രേമവും മലയാളികളെ കീഴടക്കിയ ലെവൽ വെച്ച് നോക്കുമ്പോൾ തൊബാമയും മോശമാക്കില്ല എന്നുറപ്പ്.