“ലോക്ഡൗൺ ശേഷം ഞാൻ ആദ്യം പോയത് ഇങ്ങോട്ടായിരുന്നു” കുഴുപ്പള്ളി ബീച്ചിൽ ആഘോഷമാക്കി അമല പോൾ

മികച്ച കഥാപാത്രങ്ങളിലൂടെ ചുരുങ്ങിയ നാൾ കൊണ്ട് പ്രേക്ഷകരെ അമ്പരപ്പിച്ച് ഇപ്പോൾ മലയാളത്തിലും തമിഴിലും ഒരുപോലെ തിളങ്ങുന്ന താരമാണ് അമല പോൾ. താരം പങ്കുവയ്ക്കുന്ന ചിത്രങ്ങളെല്ലാം അപ്പോൾ തന്നെ ആരാധകർ ഏറ്റെടുക്കാറുണ്ട്. ബീച്ചിലൂടെ തുള്ളിച്ചാടി നടക്കുന്ന അമലാപോളിന്റെ വീഡിയോയാണ് ഇപ്പോൾ മലയാളികൾക്കിടയിൽ വൈറലാകുന്നത്. അധികമാരും അറിയാത്ത ഒരു ബീച്ച് എറണാകുളത്തുണ്ട്. ഗോശ്രീപാലം കണ്ടെയ്നർ റോഡ് വഴി വൈപ്പിൻ പറവൂർ റൂട്ടിൽ പള്ളത്താംകുളങ്ങര ക്ഷേത്രത്തിന് അടുത്തു നിന്നും 2 കിലോമീറ്റർ മാറിയാണ് ഈ ബീച്ച്. പേര് കുഴുപ്പള്ളി. കൂട്ടുകാരോടൊപ്പം മണ്ണ് വാരി എറിഞ്ഞും തിരമാലകളിൽ ചാടി കളിച്ചും നടക്കുന്ന അമലാപോളിന്റെ വീഡിയോ ആണ് ഇപ്പോൾ സോഷ്യൽ മീഡിയയിൽ വൈറലാകുന്നത്. സ്വാതന്ത്ര്യ ദിനത്തിൽ ആണ് താരം ഈ വീഡിയോ പങ്കുവച്ചത്. വീഡിയോക്ക് ഒപ്പം ഒരു കുറിപ്പും കൂടി ഉണ്ടായിരുന്നു.

‘ലോക്ഡൗൺ ശേഷം ഞാന്‍ ചെയ്ത ആദ്യകാര്യം ഇതായിരുന്നു. സ്വാതന്ത്ര്യത്തിന്‍റെയും ചലനസ്വാതന്ത്ര്യത്തിന്‍റെയും വില എത്രത്തോളമാണ് എന്നതായിരുന്നു ഈ സമയത്ത് മനസ്സിലാക്കിയ ഏറ്റവും പ്രധാനപ്പെട്ട ഒരു കാര്യം, എന്‍റെ സ്വാതന്ത്ര്യം ആണ് എനിക്കെല്ലാം. എന്‍റെ പ്രിയപ്പെട്ടവരുമായി പ്രകൃതിയില്‍ സമയം ചെലവിടുന്നതും എനിക്ക് ഞാനായിത്തന്നെ ഇരിക്കാന്‍ കഴിയുന്നതിനേക്കാളും സന്തോഷം നൽകുന്ന മറ്റൊന്നില്ല. നിങ്ങൾക്കും എനിക്കും നമ്മുടെ ഹൃദയങ്ങളെ പിന്തുടരാൻ സ്വാതന്ത്ര്യമുണ്ട്. നിങ്ങളുടെ സ്വാതന്ത്ര്യം അറിയുക, നിങ്ങളുടെ അവകാശങ്ങൾ അറിയുക!” താരം കുറിച്ചു.