മോളി കണ്ണമാലി ഇനി കരയില്ല; മോഹൻലാലിന്റെ ഇടപെടൽ മൂലം താരസംഘടനയായ അമ്മ മോളിക്ക് പുതിയ വീട് പണിത് കൊടുക്കുന്നു

കോമഡി റോളുകളിലൂടെ മലയാള സിനിമയിൽ സജീവ സാന്നിധ്യമായി മാറിയ നടിയാണ് മോളി കണ്ണമാലി. ചാള മേരി എന്ന കഥാപാത്രം ബിഗ് സ്ക്രീനിലും മിനിസ്ക്രീനിലും മോളിക്ക് നേടിക്കൊടുത്ത ആരാധകരുടെ എണ്ണം ചെറുതൊന്നുമല്ല.എന്നാൽ കഷ്ടതയുടെ പടുകുഴിയിലാണ് മോളി കണ്ണമാലി എന്ന കാര്യം കഴിഞ്ഞ ആഴ്ചയാണ് കേരളജനത അറിയുന്നത് .കഴിഞ്ഞകൊല്ലം ഉണ്ടായ പ്രളയത്തിൽ വീട് എല്ലാം തകർന്നടിഞ്ഞ് പോയതിനാൽ ഇപ്പോൾ ഒറ്റ മുറിയുള്ള ഒരു ഷെഡ്ഡിലാണ് മോളിയുടെ താമസം. മഴക്കാലം അടുത്ത വരുന്നതോടു കൂടി ഇതിൽ എത്ര നാൾ തങ്ങളുടെ കുടുംബത്തെ താങ്ങാനുള്ള ത്രാണി ഉണ്ടെന്ന് മോളിക്ക് അറിയില്ല.

ഹൃദയം പൊട്ടുന്ന വേദനയോട് കൂടിയാണ് മോളി ഇത് പറയുന്നത്. സിനിമയിൽ നിന്നും കിട്ടുന്ന വളരെ തുച്ഛമായ വേതനം മാത്രമാണ് മോളിയുടെ ഇപ്പോഴുള്ള വരുമാനം. കുറച്ചുകാലം ഹൃദ്രോഗത്തിന് ചികിത്സയിലായിരുന്നു എന്നതിനാൽ അവിടെയും ഒരു വലിയ തുക ചെലവായി. പുതിയൊരു വീട് പണിയാനുള്ള സാമ്പത്തികസ്ഥിതിയും മോളിക്ക് ഇപ്പോൾ ഇല്ല. സഹായഹസ്തവുമായി നിരവധി സിനിമാതാരങ്ങൾ രംഗത്തെത്തിയെങ്കിലും ഇതുവരെ ഒരു സഹായവും ലഭിച്ചിട്ടില്ല എന്ന് മോളി സങ്കട പൂർവ്വം പറയുന്നു.

എന്നാൽ മോളിയെ താരസംഘടനയായ അമ്മ സഹായിക്കാൻ പോകുന്നു എന്ന വാർത്തയാണ് ഇപ്പോൾ പുറത്ത് വരുന്നത്.മോളിയുടെ അവസ്ഥ മനസിലാക്കി താരസംഘടന മോളിക്ക് പുതിയ വീട് വെച്ചുകൊടുക്കുന്നു എന്നാണ് ലഭിക്കുന്ന റിപ്പോർട്ടുകൾ. അമ്മയുടെ പ്രസിഡന്റും താരരാജാവുമായ മോഹൻലാൽ നേരിട്ട് ഇടപെട്ടാണ് ഇതിന് ഒരു തീർപ്പ് ഉണ്ടാക്കിയിരിക്കുന്നത്.ഈ വാർത്തയുടെ ഔദ്യോഗികമായ ഒരു അറിയിപ്പ് ഉടൻ ഉണ്ടാകുമെന്നാണ് കരുതുന്നത്.