മാറ് കാണിച്ചിട്ടാണ് ഇപ്പോൾ സാരി ഉടുക്കുക..! ആര്യക്കിട്ട് ഒരു കൊട്ടും കൊടുത്ത് അമൃതയുടെ വാക്കുകൾ

പട്ടുസാരി, ഓട്ടോഗ്രാഫ്, വധു, വേളാങ്കണ്ണി മാതാവ്, പുനര്‍ജനി തുടങ്ങി നിരവധി സീരിയലുകളിലൂടെ മിനിസ്‌ക്രീന്‍ പ്രേക്ഷകരുടെ ശ്രദ്ധ പിടിച്ചു പറ്റിയ നടിയാണ് അമൃത വര്‍ണന്‍. താരത്തിന്റെ വിവാഹ വാര്‍ത്തയും സോഷ്യല്‍ മീഡിയയില്‍ വൈറലായിരുന്നു. നേവി ഉദ്യോഗസ്ഥനായ പ്രശാന്ത് കുമാറിനെയാണ് അമൃത വിവാഹം കഴിച്ചത്. ഗുരുവായൂര്‍ ക്ഷേത്രത്തില്‍ വെച്ച് നടന്ന വിവാഹത്തിന്റെ ചിത്രങ്ങളും വീഡിയോയും വൈറലായിരുന്നു. ഇപ്പോഴിതാ ആര്യ അവതരിപ്പിക്കുന്ന വാൽക്കണ്ണാടി ഷോയിൽ പങ്കെടുക്കാൻ എത്തിയപ്പോൾ ആര്യയുമായി നടന്ന അമൃതയുടെ സംസാരമാണ് ഇപ്പോൾ ചർച്ചയാകുന്നത്. പുതുതലമുറയിലെ സാരിയുടുക്കലിനെ കുറിച്ചാണ് താരം സംസാരിക്കുന്നത്.

“ഈ ഫീൽഡിൽ വന്നതിനു ശേഷമാണു ജീൻസും ടീഷർട്ടും ഒക്കെ ഉപയോഗിക്കുന്നത്. ഇന്നും സാരി എന്ന് പറയുന്നതാണ് ഏറ്റവും വലിയ കംഫർട്ട്. ചുരിദാർ ഇട്ടുകഴിഞ്ഞാൽ ഞാൻ ഒരിടത്തു അടങ്ങി ഇരിക്കും. പക്ഷെ സാരി കുടുതൽ ഭയങ്കര കംഫർട്ടാണ്. ഇപ്പോഴത്തെ പെൺകുട്ടികൾ എന്ന് പറഞ്ഞാൽ ജീൻസിട്ടിട്ട് സാരി എടുത്തു മുകളിൽ കൂടെ ഉടുക്കുന്നവർ ആണ്. ഒരു കാലിൽ ജീൻസും ഒരു കാലിൽ സാരിയും. ഇനി പോകുമ്പോൾ സാരി എങ്കിലും ഉണ്ടാകുമോ എന്ന് അറിയില്ല. ചിലർക്ക് പാവാടയും ബ്ലൗസും ആയിട്ടുണ്ട് സാരിയില്. ഇതിന്റെ മുൻപിൽ ഇങ്ങനെയാണ് ഉടുക്കുന്നത്.” ഇത് എനിക്കിട്ടുള്ളതാണല്ലോ എന്നാണ് അപ്പോൾ ആര്യ പറഞ്ഞത്.

“മാറ് മറയ്ക്കാൻ ആയിട്ട് സാരി ഉടുക്കുന്നത് ഇപ്പൊ ഒന്നും ഇല്ല. മാറ് പോലും കാണിച്ചിട്ടാണ് സാരി ഉടുക്കുക. പിന്നെ ഏറ്റവും വലിയ സെക്സി കോസ്റ്റും കൂടിയാണ് സാരി എന്ന് പറയുന്നത്. ചുരിദാർ എന്ന് പറയുന്നത് എല്ലാം അടഞ്ഞു കിടക്കും പക്ഷെ സാരി എന്ന് പറയുന്നത് അവിടെയും ഇവിടെയും ഒക്കെ കാണും. എന്നാൽ അങ്ങനെ കാണുന്നതാണ് അതിന്റെ അഴക്. ഞാൻ കല്യാണം കഴിഞ്ഞപ്പോൾ ചേട്ടൻ പറയുന്നതാണ്, നീ വയറിന്റെ അവിടേക്ക് സാരി അങ്ങോട്ട് കയറ്റി വയ്ക്കൂ എന്നൊക്കെ പറയും. വയറിന്റെ അവിടെ കുറച്ചു ഭാഗങ്ങൾ കണ്ടാലേ സാരി സാരി ആവുകയൊള്ളു. മറ്റേത് പിൻ ഒക്കെ വച്ചാൽ സാരി അല്ലാതാകില്ലേ. പിന്നെ മാക്സി ഇട്ടുകൊണ്ട് നടന്നാൽ പോരേ.”