അദ്ദേഹത്തിന്റെ രണ്ടാം വിവാഹമാണെന്ന് അറിയാമായിരുന്നു !!! വിവാദങ്ങളോട് പ്രതികരിക്കാന്‍ താത്പര്യമില്ലെന്ന് അനന്യ

നിരവധി സിനിമകളിലൂടെ മലയാളത്തിലും തെന്നിന്ത്യയിലും ആരാധകര്‍ക്ക് സുപരിചിതയായ താരമാണ് അനന്യ. ബാലതാരമായി വന്ന് അഭിനയ രംഗത്ത് അരങ്ങേറ്റം കുറിച്ച താരം മലയാളത്തില്‍ മാത്രമല്ല തമിഴിലും നിരവധി സൂപ്പര്‍ഹിറ്റ് ചിത്രങ്ങളുടെ ഭാഗമായിട്ടുണ്ട്. എല്ലാ വ്യത്യസ്തമായ കഥാപാത്രങ്ങളും വഴങ്ങുമെന്ന് താരം തെളിയിച്ചു കഴിഞ്ഞു. വിവാഹശേഷം അഭിനയത്തോട് വിട പറയുന്ന നടി മാരുടെ ലിസ്റ്റില്‍ ആണ് അനന്യയും വന്നത്.

ഇപ്പോഴിതാ വിവാഹത്തെ ക്കുറിച്ചും ഭര്‍ത്താവ് ആഞ്ജനേയനെ കുറിച്ചും താരം ഒരു അഭിമുഖത്തില്‍ പറഞ്ഞ വാക്കുകളാണ് ശ്രദ്ധ നേടുന്നത്. വളരെ വിവാദങ്ങള്‍ സൃഷ്ടിച്ചു കൊണ്ടായിരുന്നു താരത്തിന്റെ വിവാഹം നടന്നത്. വിവാഹ ശേഷവും വെറുതെയിരിക്കുന്ന ആള്‍ക്കാരാണ് തങ്ങളെ ഗോസിപ്പ് കോളങ്ങളില്‍ ഉള്‍പ്പെടുത്തുന്നതതെന്നും, മാധ്യമങ്ങള്‍ ആഘോഷിച്ച ആ വാര്‍ത്തകള്‍ കാരണം തങ്ങളുടെ ജീവിതത്തില്‍ ഒരു പ്രശ്‌നവും ഉണ്ടായില്ല എന്നും അതൊരു സാധാരണ വിവാഹം തന്നെയാണെന്നും അദ്ദേഹത്തിന്റെ രണ്ടാമത്തെ വിവാഹം ആണ് ഇതെന്ന് ബോധ്യപ്പെട്ട ശേഷം മാത്രമാണ് ഒരുമിച്ച് ഒരു ജീവിതത്തിലേക്ക് കടന്നതെന്നും അനന്യ പറയുന്നു.

ആദ്യമൊക്കെ തന്റെ വീട്ടുകാര്‍ എതിര്‍പ്പ് ഉണ്ടായിരുന്നെങ്കിലും പിന്നീട് അതെല്ലാം ശരിയായി എന്നും ഇപ്പോള്‍ ജീവിതം വളരെ സന്തോഷകരമായി കൊണ്ടുപോവുകയാണ് ,അതിനിടയില്‍ വിവാദങ്ങളെക്കുറിച്ച് പ്രതികരിക്കാന്‍ താല്‍പര്യമില്ലെന്നും താരം അഭിമുഖത്തില്‍ മനസ് തുറന്നു.