“നിങ്ങൾ ഞാൻ ചെയ്യുന്ന കാര്യമോർത്ത് ആശങ്കപ്പെടേണ്ട” വീണ്ടും ഗ്ലാമർ ചിത്രങ്ങൾ പങ്കുവെച്ച് വിമർശകർക്ക് മറുപടിയുമായി അനശ്വര രാജൻ

യുവനടി അനശ്വര രാജൻ തന്റെ പുതിയ ചിത്രം കഴിഞ്ഞ ദിവസം സോഷ്യൽ മീഡിയയിൽ പോസ്റ്റ് ചെയ്തിരുന്നു. രഞ്ജിത്ത് ഭാസ്‌ക്കർ ആണ് ചിത്രങ്ങൾ പകർത്തിയത്. എന്നാൽ ഈ ചിത്രത്തിന് നേരെ സദാചാര വാദികളുടെ ആക്രമണം ഏറെ നടന്നിരുന്നു. അശ്ലീല കമന്റുകളും സദാചാര ആക്രണവും തുടരുമ്പോഴും അനശ്വരയ്ക്ക പിന്തുണയുമായി നിരവധി പേരാണ് കമന്റുകളുമായി എത്തുന്നത്. ഇപ്പോൾ തന്റെ നിലപാട് വ്യക്തമാക്കുകയാണ് അനശ്വര രാജൻ.

“നിങ്ങൾ ഞാൻ ചെയ്യുന്ന കാര്യമോർത്ത് ആശങ്കപ്പെടേണ്ട. നിങ്ങൾ ഇങ്ങനെ ഞാൻ ചെയ്യുന്ന കാര്യങ്ങളിൽ അസ്വസ്ഥരാകുന്നു എന്നോർത്ത് ആശങ്ക പെടു” അനശ്വര രാജൻ കുറിച്ചു. അതോടൊപ്പം ഗ്ലാമറസ്സ് വേഷത്തിലുള്ള മറ്റ് രണ്ട് ചിത്രങ്ങൾ കൂടി താരം പങ്കുവെച്ചിട്ടുണ്ട്. ഈ പോസ്റ്റിൻ അനശ്വരയ്ക്ക് പിന്തുണയുമായി നിരവധി പേരാണ് എത്തുന്നത്.

മലയാള സിനിമ ലോകത്ത് ഇന്ന് വളർന്നു വരുന്നൊരു നായികയാണ് അനശ്വര രാജൻ. മഞ്ജുവാര്യർ പ്രധാനകഥാപാത്രത്തെ അവതരിപ്പിച്ച ഉദാഹരണം സുജാത എന്ന ചിത്രത്തിലെ ആതിര എന്ന കഥാപാത്രത്തെ അവതരിപ്പിച്ചുകൊണ്ട് ബാലതാരമായി കടന്നുവന്നതാണ് അനശ്വര രാജൻ. പിന്നീട് അനശ്വരയ്ക്ക് നിരവധി ചിത്രങ്ങളാണ് ലഭിച്ചത്. 50 കോടിയിലധികം കളക്ഷൻ നേടിയ തണ്ണീർമത്തൻദിനങ്ങൾ എന്ന ചിത്രത്തിലൂടെ ഏറെ പ്രേക്ഷക ശ്രദ്ധ നേടുവാൻ അനശ്വരക്ക് സാധിച്ചു. ഈ ചിത്രത്തിന് ശേഷം ആദ്യരാത്രി എന്ന ചിത്രത്തിൽ നായികയായി അരങ്ങേറ്റം കുറിച്ചു. സോഷ്യൽ മീഡിയയിൽ ഏറെ സജീവമായ താരം തന്റെ നിലപാടുകളും ചിന്തകളും ധൈര്യപൂർവ്വം പങ്കുവയ്ക്കാറുണ്ട്. അതുകൊണ്ടുതന്നെ നിരവധി ട്രോളുകളും വിമർശനങ്ങൾക്കും താരം ഇരയായിട്ടുമുണ്ട്.