വിമർശനങ്ങളിൽ തളരാതെ അനശ്വര;വനിതാ കവർഗേളായി താരത്തിന്റെ പുതിയ ചിത്രങ്ങൾ കാണാം

മഞ്ജുവാര്യർ പ്രധാനകഥാപാത്രത്തെ അവതരിപ്പിച്ച ഉദാഹരണം സുജാത എന്ന ചിത്രത്തിലെ ആതിര എന്ന കഥാപാത്രത്തെ അവതരിപ്പിച്ചുകൊണ്ട് ബാലതാരമായി കടന്നുവന്നതാണ് അനശ്വര രാജൻ. പിന്നീട് അനശ്വരയ്ക്ക് നിരവധി ചിത്രങ്ങളാണ് ലഭിച്ചത്. 50 കോടിയിലധികം കളക്ഷൻ നേടിയ തണ്ണീർമത്തൻദിനങ്ങൾ എന്ന ചിത്രത്തിലൂടെ ഏറെ പ്രേക്ഷക ശ്രദ്ധ നേടുവാൻ അനശ്വരക്ക് സാധിച്ചു. ഇപ്പോൾ വനിതാ മാഗസിന്റെ കവർ ഗേളായുള്ള അനശ്വരയുടെ ചിത്രങ്ങൾ ഏറ്റെടുത്തിരിക്കുകയാണ് ആരാധകർ. ബേസിൽ പോൾ ആണ് ചിത്രങ്ങൾ പകർത്തിയത്.

ആദ്യരാത്രി എന്ന ചിത്രത്തിൽ നായികയായി താരം പിന്നീട് അഭിനയിച്ചിരുന്നു. സോഷ്യൽ മീഡിയയിൽ ഏറെ സജീവമായ താരം തന്റെ നിലപാടുകളും ചിന്തകളും ധൈര്യപൂർവ്വം പങ്കുവയ്ക്കാറുണ്ട്. അതുകൊണ്ടുതന്നെ നിരവധി ട്രോളുകളും വിമർശനങ്ങൾക്കും താരം ഇരയായിട്ടുമുണ്ട്. വസ്ത്രധാരണത്തിന് പേരിൽ കുറച്ചു ദിവസങ്ങൾക്ക് മുൻപ് അനശ്വരക്ക് ഏറെ സോഷ്യൽ മീഡിയ അറ്റാക്ക് നേരിടേണ്ടി വന്നിരുന്നു. ഇതിനെതിരെ റിമാകല്ലിങ്കൽ ആരംഭിച്ച ക്യാമ്പയിനിൽ നിരവധി യുവനടിമാർ ആണ് പങ്കെടുക്കുന്നത്. മുട്ടുവരെ ഇറക്കമുള്ള വസ്ത്രങ്ങൾ ധരിച്ചു കൊണ്ടാണ് നടിമാർ ഇതിനെതിരെ പ്രതികരിക്കുന്നത്. അനശ്വര ആ ചിത്രം തന്നെ പങ്കുവെച്ചുകൊണ്ട് ഈ കമന്റുകൾക്ക് മറുപടിയും നൽകുന്നുണ്ട്. “ഞാൻ എന്തു ചെയ്യുന്നുവെന്നോർത്ത് നിങ്ങൾ വിഷമിക്കണ്ട. എന്റെ പ്രവർത്തികൾ നിങ്ങളെ അസ്വസ്ഥരാക്കുന്നുണ്ടെങ്കിൽ അതിനെക്കുറിച്ച് ആശങ്കപ്പെടാൻ നോക്കൂ,” എന്നായിരുന്നു അനശ്വരയുടെ മറുപടി.