അസൂയക്കാരോട് പോയി പണിനോക്കാൻ പറയും..! വിവാഹവാർഷികത്തിന് ഗംഭീര ഫോട്ടോഷൂട്ടുമായി അവതാരകൻ ജീവയും പ്രിയതമയും

വളരെയേറെ വ്യത്യസ്തമായ അവതരണ ശൈലിയിലൂടെ ടെലിവിഷന്‍ പ്രേക്ഷകരുടെ ഹൃദയം കീഴടക്കിയ അവതാരകരിലൊരാളാണ് ജീവ ജോസഫ്. വളരെ ചുരുങ്ങിയ സമയം കൊണ്ട് പ്രേക്ഷകര്‍ക്കിടയില്‍ ജീവ നേടിയെടുത്ത സ്വാധീനം വളരെ വലുതാണ്. തുടക്കത്തില്‍ സൂര്യ മ്യൂസിക്ക് എന്ന ചാനലിലെ അവതാരകനായാണ് ജീവ ശ്രദ്ധിക്കപ്പെട്ടത്. സോഷ്യല്‍ മീഡിയയിലെ സ്റ്റാര്‍ കൂടിയാണ് ജീവ. നിരവധി ഫോളോവേഴ്സാണ് ജീവയ്ക്ക് ഉള്ളത്. ഇപ്പോഴിതാ പുതിയൊരു ഫോട്ടോഷൂട്ട് പങ്കുവെച്ച്‌ ഞെട്ടിച്ചിരിക്കുകയാണ് ജീവ.

മോഡലും ഭാര്യയുമായ അപര്‍ണക്കൊപ്പം ബെഡ് റൂമില്‍ വെച്ച്‌ പകര്‍ത്തിയ കണ്‍സപ്റ്റ് ഫോട്ടോഷൂട്ടിന്റെ ഭാഗമായുള്ള ഒരു കിടിലന്‍ ചിത്രമാണ് ജീവ പങ്കുവെച്ചിരിക്കുന്നത്. ഇരുവരും ഒന്നിച്ചതിന്റെ അഞ്ചാം വാര്‍ഷികത്തോടനുബന്ധിച്ചാണ് ചിത്രം പങ്കുവച്ചിരിക്കുന്നത്. അപര്‍ണയ്ക്കൊപ്പം അഞ്ചു വര്‍ഷമായി. ഷിറ്റു, അലമ്പ്, ബഹളം ഇവര്‍ മൂന്നു പേരുമാണ് എന്റെ ഹീറോസ്. അതായത് അപര്‍ണയെ ജീവ സ്നേഹത്തോടെ വിളിക്കുന്ന പേരാണ് ഷിറ്റു. യൂ സീ ദ ഐറണി ഡോണ്ട് യൂ? അസൂയക്കാരോട് പോയി പണിനോക്കാന്‍ പറയും. വീ ഓള്‍വേയ്സ് ലവ് ഈച്ച്‌ അദര്‍! ഇങ്ങനെയാണ് ജീവയുടെ പോസ്റ്റ്.

ചിത്രത്തില്‍ സ്റ്റൈലിങ് ചെയ്തിരിക്കുന്നത് സൂരജ് എസ് കെയും ഐശ്വര്യ കരയിലും ചേര്‍ന്നാണ്. കൂടാതെ സിജാ രാജന്റേതാണ് കണ്‍സപ്റ്റ്. ജിക്സണ്‍ ഫ്രാന്‍സിസാണ് ക്യാമറയ്ക്ക് പിന്നിലുള്ളത്. ലൈറ്റ്സണ്‍ ക്രിയേഷന്‍സിന്റെ പ്രൊജക്ടാണിതെന്നും ജിവ കുറിച്ചിരിക്കുന്നു. എയര്‍ഹോസ്റ്റസ് എന്നതിലുപരി അവതാരകയും അഭിനേത്രിയുമാണ് അപര്‍ണ തോമസ്. ഇതിന് പുറമെ സ്വന്തമായ യൂട്യൂബ് ചാനലും അപര്‍ണയ്ക്കുണ്ട്.