ചാക്കോച്ചന്റെ ബോക്സോഫീസ് താണ്ഡവം..! അഞ്ചാം പാതിരാ കളക്ഷൻ റിപ്പോർട്ട് പുറത്ത്

അന്യഭാഷാ ത്രില്ലറുകൾക്ക് കൈയ്യടിച്ചു കൊണ്ടിരുന്ന മലയാളികൾ അത്തരത്തിൽ ഒരു ചിത്രം മലയാളത്തിലും ഉണ്ടായിരുന്നെങ്കിൽ എന്നാഗ്രഹിച്ചിരുന്നു. മെമ്മറീസ് പോലൊരു ചിത്രം വീണ്ടും കാണുവാനുള്ള പ്രേക്ഷകരുടെ കാത്തിരിപ്പുകൾക്ക് വിരാമമിട്ടാണ് കുഞ്ചാക്കോ ബോബനെ നായകനാക്കി മിഥുൻ മാനുവൽ തോമസ് ഒരുക്കിയ അഞ്ചാം പാതിരാ തീയറ്ററുകളിൽ എത്തിയത്. പൊലീസുകാരെ മാത്രം കൊന്നൊടുക്കുന്ന സൈക്കോ കില്ലറിന് പിന്നാലെയുള്ള അന്വേഷണമാണ് ചിത്രം പറയുന്നത്. പേടിപ്പെടുത്തുന്ന പശ്ചാത്തല സംഗീതവുമായി സുഷിൻ ശ്യാമും ശക്തമായ തിരക്കഥയും അഭിനേതാക്കളുടെ പകരം വെക്കാനില്ലാത്ത പ്രകടനവും കൂടിയായപ്പോൾ ചിത്രം പ്രേക്ഷകർക്ക് ഒരു പക്കാ വിരുന്നായി തീർന്നു.

ചിത്രത്തിന്റെ കളക്ഷൻ റിപ്പോർട്ട് ഇപ്പോൾ പുറത്ത് വന്നിരിക്കുകയാണ്. കുഞ്ചാക്കോ ബോബന്റെ കരിയർ ബെസ്റ്റ് ബോക്സോഫീസ് പ്രകടനമാണ് ചിത്രം ഇപ്പോൾ. പതിനെട്ട് ദിവസത്തെ ചിത്രത്തിന്റെ വേൾഡ് വൈഡ് കളക്ഷൻ മുപ്പത്തിനാല് കോടിക്ക് മുകളിലാണ്. കേരളത്തിൽ നിന്ന് മാത്രം ഇരുപത്തഞ്ച് കോടിയോളം നേടിയ ചിത്രം കേരളത്തിന് പുറത്ത് നിന്ന് മാത്രം പത്ത് കോടിയോളം നേടിയിട്ടുണ്ട്. ഓവർസീസ് മാർക്കറ്റിൽ എട്ടു കോടിക്ക് മുകളിൽ നേടിയ ചിത്രം റെസ്റ്റ് ഓഫ് ഇന്ത്യയിൽ നിന്നും ഒരു കോടി മുപ്പത്തഞ്ച് ലക്ഷത്തോളമാണ് നേടിയത്.