ലോകത്തിന്റെ ഉയരങ്ങൾ കീഴടക്കിയത് ഒരു കിഡ്‌നിയുമായി..! വെളിപ്പെടുത്തലുമായി അഞ്ജു ബോബി ജോർജ്

പ്രശസ്തയായ ഇന്ത്യൻ ലോം‌ഗ്‌ജമ്പ് താരമാണ്‌ അഞ്ജു ബോബി ജോർജ്ജ്. 2003-ൽ പാരീസിൽ നടന്ന ലോക അത്‌ലറ്റിക് ചാമ്പ്യൻഷിപ്പിൽ ലോം‌ഗ്‌ജമ്പിൽ വെങ്കലം നേടിയതോടെ പ്രശസ്തയായി. ഇതോടെ ലോക അത്‌ലറ്റിക് ചാമ്പ്യൻഷിപ്പിൽ മെഡൽ നേടുന്ന ആദ്യ ഇന്ത്യക്കാരിയുമായി അഞ്ജു. അന്ന് അഞ്ജു ചാടിയത് 6.70 മീറ്ററാണ്‌. 2005-ൽ നടന്ന ഐ.എ.എ.എഫ് വേൾഡ് അത്‌ലറ്റിക്സ് ഫൈനലിൽ വെള്ളി നേടിയതും അഞ്ജുവിന്റെ എടുത്തു പറയത്തക്ക നേട്ടമാണ്‌. ഇതു തന്റെ ഏറ്റവും നല്ല പ്രകടനമായി അവർ കരുതുന്നു. സ്വർണ്ണം നേടിയ റഷ്യൻ താരം ഉത്തേജക മരുന്ന് കഴിച്ചത് തെളിഞ്ഞതിനാൽ 2014 ൽ അഞ്ജുവിൻറെ നേട്ടം സ്വർണ്ണ മെഡലായി ഉയർത്തുകയുണ്ടായി.തുടർച്ചയായി ലോക അത്‌ലറ്റിക് ചാമ്പ്യൻഷിപ്പ് ഫൈനലിൽ പ്രവേശിച്ച ഏക ഇന്ത്യൻ കായിക താരം, കോമൺ വെൽത്ത് ഗയിംസിൽ മെഡൽ നേടുന്ന ആദ്യ ഇന്ത്യൻ വനിതാ കായികതാരം, അത്ലറ്റിക്സിൽ ലോക റാങ്കിങ്ങിൽ ലോങ്ങ്ജമ്പിൽ 4-ആം സ്ഥാനം ലഭിച്ചിട്ടുള്ള ഏക കായിക താരം എന്നീ നേട്ടങ്ങൾ സ്വന്തമായുള്ള അഞ്ജു അർജുന പുരസ്കാരം, പദ്മശ്രീ, മികച്ച ഇന്ത്യൻ വനിതാ കായിക താരത്തിനുള്ള ഹീറോ സ്പോർട്ട്സ് അവാർഡ്, രാജീവ് ഗാന്ധി ഖേൽരത്ന പുരസ്കാരം എന്നീ നേട്ടങ്ങളും കൈവരിച്ചിട്ടുണ്ട്. ഇപ്പോഴിതാ ഈ നേട്ടങ്ങളെല്ലാം നേടിയെടുത്തത് ഒരു കിഡ്‌നിയുമായി ജീവിച്ചാണെന്ന വെളിപ്പെടുത്തൽ നടത്തിയിരിക്കുകയാണ് മലയാളികളുടെ ഈ അഭിമാന താരം.

‘വിശ്വസിച്ചാലും ഇല്ലെങ്കിലും, ഒരു വൃക്കയുമായി ജീവിച്ച് ലോകത്തിന്റെ ഉയരങ്ങള്‍ കീഴടക്കിയ ചുരുക്കം ചിലരില്‍ ഒരാളാണ് ഞാന്‍. വേദനസംഹാരികളോട് പോലും അലര്‍ജിയാണ്. ഒരുപാട് പരിമിതികളുണ്ടായിരുന്നു, എന്നിട്ടും അതൊക്കെ നേടി. ഒരു പരിശീലകന്റെ മാജിക് അല്ലെങ്കില്‍ അദ്ദേഹത്തിന്റെ കഴിവ് എന്നൊക്കെ ഇതിനെ വിളിക്കാന്‍ കഴിയുമോ?’