സംവിധായകൻ വൈശാഖിന്റെ പുതിയ ചിത്രത്തിൽ നായകരായി അന്ന ബെന്നും റോഷൻ മാത്യുവും ഇന്ദ്രജിത്ത് സുകുമാരനും. ‘നൈറ്റ് ഡ്രൈവ്’ എന്ന് പേരിട്ടിരിക്കുന്ന ചിത്രത്തിന്റെ ചിത്രീകരണം ആരംഭിച്ചതായി വൈശാഖ് തന്റെ ഫേസ്ബുക്ക് കുറിപ്പിൽ അറിയിച്ചു. പ്രിയ വേണു, നീത പിന്റോ എന്നിവരാണ് നിർമാതാക്കൾ. അഭിലാഷ് പിള്ള തന്നോട് സ്ക്രിപ്റ്റ് പറഞ്ഞിട്ട് രണ്ടു വർഷമായെന്നും അന്നു മുതൽ ഈ സിനിമ ചെയ്യാനുള്ള ആഗ്രഹത്തിൽ ആയിരുന്നു ഓരോ നിമിഷമെന്നും അദ്ദേഹം വ്യക്തമാക്കി.
വൈശാഖിന്റെ ഫേസ്ബുക്ക് കുറിപ്പ് – ‘വളരെ ആവേശത്തിലാണ് ..!
മല്ലു സിംഗിന് ശേഷം ആൻ മെഗാ മീഡിയയുമായി സഹകരിച്ച് ‘നൈറ്റ് ഡ്രൈവ്’ എന്ന് പേരിട്ടിരിക്കുന്ന പുതിയ സംവിധാന സംരംഭം ഇന്ന് ആരംഭിക്കുന്നു. അഭിലാഷ് പിള്ള എന്നോട് സ്ക്രിപ്റ്റ് പറഞ്ഞിട്ട് രണ്ട് വർഷമായി. അതിനുശേഷം എപ്പോഴും ഈ സിനിമ ചെയ്യാൻ ഞാൻ ആഗ്രഹിച്ചു. ഈ സിനിമ നിർമിക്കുന്നതിന് പ്രിയ വേണുവിനും നീതാ പിന്റോയ്ക്കും വളരെ നന്ദി. എന്നിൽ വിശ്വസിച്ചതിനും ഈ പദ്ധതിയിൽ ചേർന്നതിനും റോഷൻ മാത്യു, ഇന്ദ്രജിത്ത് സുകുമാരൻ, അന്ന ബെൻ എന്നിവർക്ക് ഒരു വലിയ നന്ദി. എന്റെ കുടുംബമായ മുഴുവൻ ക്രൂവിനോടും അഭിനേതാക്കളോടും സാങ്കേതിക വിദഗ്ധരോടും നന്ദിയുണ്ട്. ഇതിലെല്ലാമുപരി നിങ്ങൾ എല്ലാവരോടും ഞാൻ കടപ്പെട്ടിരിക്കുന്നു. ഞാൻ ഇപ്പോൾ എന്തായിരിക്കുന്നുവോ അത് നിങ്ങളുടെ സ്നേഹവും പിന്തുണയും കൊണ്ടു മാത്രമാണ്. എന്നിലുള്ള നിങ്ങളുടെ വിശ്വാസം വെറുതെയാകില്ലെന്ന് ഞാൻ ഉറച്ചു വിശ്വസിക്കുന്നു. നിങ്ങൾക്കെല്ലാവർക്കും ‘നൈറ്റ് ഡ്രൈവ്’ ഒരു അത്ഭുതകരമായ സമ്മാനമായിരിക്കും.നന്ദി & സ്നേഹം,വൈശാഖ്’
മധുരരാജ ആയിരുന്നു വൈശാഖ് അവസാനമായി സംവിധാനം ചെയ്ത ചിത്രം. പോക്കിരിരാജ, സീനിയേഴ്സ്, മല്ലൂസിംഗ്, കസിൻസ്, പുലിമുരുകൻ എന്നിവയാണ് വൈശാഖ് സംവിധാനം ചെയ്ത മറ്റു സിനിമകൾ. സഹസംവിധായകനായി സിനിമയിൽ എത്തിയ വൈശാഖ് ആദ്യമായി സംവിധാനം ചെയ്ത ചിത്രം പോക്കിരിരാജയാണ്. വൈശാഖിന്റെ ഏഴാമത്തെ സിനിമയായ പുലിമുരുകൻ ആണ് മലയാളം സിനിമയിലെ 100 കോടി വരുമാനം കവിഞ്ഞ ആദ്യസിനിമ.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…