“അപ്പൻ മരിച്ചിട്ട് ഉടനെ അവൾ അഭിനയിക്കാൻ പോയി എന്ന് നിരവധി പേർ കുറ്റം പറഞ്ഞു” ജീവിതത്തിലെ ഏറ്റവും ദുർഘടമായ ദിനങ്ങൾ ഓർത്തെടുത്ത് അന്നാ രാജൻ

അങ്കമാലി ഡയറീസ് എന്ന ചിത്രത്തിലൂടെ വലിയ ഒരു ആരാധക വൃന്ദത്തെ ഉണ്ടാക്കിയെടുത്ത താരമാണ് രേഷ്മ രാജൻ. രേഷ്മ രാജൻ അഭിനയത്തിന് എത്തുന്നതിനുമുൻപ് നേഴ്സ് ആയി ജോലി ചെയ്യുകയായിരുന്നു. എൺപതോളം പുതു മുഖങ്ങളെ അവതരിപ്പിച്ച് ലിജോ ജോസ് പെല്ലിശേരി ഒരുക്കിയ ഈ ചിത്രത്തിൽ അവിചാരിതമായി ആയിരുന്നു രേഷ്മ എത്തിപ്പെട്ടത്. അഭിനയ മേഖലയായിരുന്നു കൂടുതൽ താൽപര്യം എങ്കിലും രേഷ്മ ആദ്യമെത്തിയത് മോഡൽ രംഗത്തായിരുന്നു. ഒരു സാധാരണ കുടുംബത്തിൽ ജനിച്ച രേഷ്മയ്ക്ക് ആകെയുണ്ടായിരുന്ന വരുമാനം നഴ്സിങ് ജോലി മാത്രമായിരുന്നു. ആ ജോലി ഉപേക്ഷിച്ചുകൊണ്ട് അഭിനയത്തിലേക്ക് കടക്കുമ്പോൾ ആ തീരുമാനം ഒരു പരാജയമായി തീരുമോ എന്ന പേടി ഉണ്ടായിരുന്നു താരത്തിന്. ഇതിനെപ്പറ്റി ഇപ്പോൾ സംസാരിക്കുകയാണ് താരം.

താരത്തിന്റെ വാക്കുകൾ:

സിനിമയിലേക്ക് ക്ഷണം വന്നപ്പോൾ എന്റെ ജീവിതത്തിൽ എന്താണ് നടക്കാൻ പോകുന്നതെന്ന ഒരു ഞെട്ടലുണ്ടായിരുന്നു. ആ ദിവസങ്ങളിൽ വിദേശത്തേക്ക് പോകാൻ വിസയും ടിക്കറ്റുമെല്ലാം റെഡിയായി ഇരിക്കുകയാണ്. അത് വേണോ ഇത് വേണോ ആകെ ആശയക്കുഴപ്പം. അമ്മയാണെങ്കിൽ അഭിനയം എന്നതിനോട് അടക്കുന്നതേയില്ല. വീട്ടിൽ ആകെയുള്ള വരുമാനമാണ് എന്റെ ജോലി. അത് കളയുന്നതിനെക്കുറിച്ച് അമ്മയ്ക്ക് ചിന്തിക്കാൻ പോലും ആകുമായിരുന്നില്ല.

പക്ഷെ അവസരം ഒരിക്കൽ മാത്രമേ ലഭിക്കുകയുള്ളൂവെന്ന് എന്റെ മനസ്സ് പറഞ്ഞു കൊണ്ടേയിരുന്നു. ഞാൻ ഹോസ്പ്പിറ്റലിലെ ഡയറക്ടെഴ്സിനോട് അഭിപ്രായം ചോദിച്ചു. അവർ പറഞ്ഞു കിട്ടിയ അവസരം കളയണ്ട. രണ്ടു മാസം ലീവ് എടുത്തു പൊയ്ക്കോളൂ എന്ന്. അങ്ങനെ ജീവിതത്തിലെ ഏറ്റവും റിസ്‌കിയായ തീരുമാനമെടുത്തു. ജോലി കളഞ്ഞു സിനിമയിൽ അഭിനയിക്കാൻ പോകുന്നുവെന്ന വാർത്ത കേട്ടവരെല്ലാം കളിയാക്കലുകളും കുറ്റപ്പെടുത്തലും മാത്രം. അപ്പൻ മരിച്ചിട്ട് രണ്ടു കൊല്ലമേ ആയുള്ളൂ.

അപ്പോഴേക്കും അഭിനയിക്കാൻ പോകുന്നു എന്ന് പറഞ്ഞു ആഴത്തിൽ മുറിപ്പെടുത്തിയവർ വേറെയും. ഈ ബഹളത്തിനെല്ലാമിടയിൽ രാവിലെ ആറു മണിക്കുള്ള കെഎസ്ആർടിസി ബസിൽ ഞാൻ അങ്കമാലിയുടെ ഷൂട്ടിങ്ങിനായി തിരിച്ചുവെന്ന് അന്ന രേഷ്മ രാജൻ പറയുന്നു. 2020 ഏറ്റവും വലിയ വിജയ ചിത്രങ്ങളിൽ ഒന്നായ അയ്യപ്പനും കോശിയിലും പൃഥ്വിരാജിന്റെ നായികയായി എത്തിയത് അന്ന രേഷ്മ രാജൻ ആയിരുന്നു. മലയാളത്തിൽ സൂപ്പർ താരങ്ങൾക്ക് ഒപ്പം അഭിനയിക്കാൻ ഉള്ള അവസരം താരത്തിന് ഇതിനോടകം ലഭിച്ചു കഴിഞ്ഞു.