ഇന്നേക്ക് ആരംഭിക്കത് തിരുവിഴ..! രജനീകാന്ത് ചിത്രം അണ്ണാത്തെ ട്രെയ്‌ലർ പുറത്തിറങ്ങി; വീഡിയോ

ആരാധകരെ ആവേശത്തിലാക്കി സൂപ്പർസ്റ്റാർ രജനികാന്തിന്റെ പുതിയ ചിത്രം അണ്ണാത്തെയുടെ ട്രെയ്‌ലർ എത്തി. സിരുത്തൈ ശിവ സംവിധാനം ചെയ്യുന്ന ചിത്രം പ്രേക്ഷകരെ ആവേശ കൊടുമുടിയിൽ എത്തിക്കുമെന്ന് ഉറപ്പായി. ഉത്സവത്തിമിർപ്പിലാണ് ചിത്രത്തിന്റെ ട്രെയ്‌ലർ പുറത്തിറങ്ങിയത്. നേരത്തെ അണ്ണാത്തെ സിനിമയിലേതായി പുറത്തു വന്ന എല്ലാ ഫോട്ടോകളും ഓൺലൈനിൽ തരംഗമായിരുന്നു.

ഒരു മാസ് പടമാണ് അണ്ണാത്തെ. ചിത്രത്തിൽ ആക്ഷൻ ഹീറോ ആയി രജനികാന്ത് എത്തുമ്പോൾ സ്റ്റൈൽ മന്നന്റെ ആരാധകരെ അത് തൃപ്തിപ്പെടുത്തുമെന്ന് ട്രെയ്‌ലറിൽ തന്നെ വ്യക്തം. കഴിഞ്ഞ ദിവസമായിരുന്നു അണ്ണാത്തെയിലെ ഗാനവും ടീസറുമെല്ലാം പുറത്തു വന്നത്. ഇത് ആരാധകർ ഏറ്റെടുത്തിരുന്നു. ഇത്തവണത്തെ ദീപാവലി റിലീസായി നവംബർ നാലിന് അണ്ണാത്തെ റിലീസ് ചെയ്യും. ആക്ഷന് ഒപ്പം കോമഡിയും നിറഞ്ഞുനിൽക്കുന്ന ചിത്രമായിരിക്കും അണ്ണാത്തെ. രജനികാന്തിനൊപ്പം ലേഡി സൂപ്പർ സ്റ്റാർ നയൻതാരയാണ് ചിത്രത്തിൽ നായികയായി എത്തുന്നത് എന്ന പ്രത്യേകതയുമുണ്ട്. ഒരു ഗ്രാമത്തലവനായി എത്തുന്ന രജനികാന്ത് മുണ്ടുടുത്താണ് ചിത്രത്തിൽ പ്രത്യക്ഷപ്പെടുന്നത്.

മീന, ഖുശ്‌ബു, കീർത്തി സുരേഷ്, സതീഷ്, സൂരി, പ്രകാശ് രാജ് തുടങ്ങിയ വൻ താരനിര തന്നെയാണ് അണ്ണാത്തെയിൽ അണിനിരക്കുന്നത്. സൺ പിക്ചേഴ്സ് ആണ് ചിത്രത്തിന്റെ നിർമാണം. ഒരു മാസ് കുടുംബചിത്രമായിരിക്കും അണ്ണാത്തെ. ചിത്രത്തിലെ ആദ്യഗാനം ആലപിച്ചത് എസ് പി ബാലസുബ്രഹ്മണ്യം ആയിരുന്നു. ആ ഗാനം വലിയ ഹിറ്റ് ആയിരുന്നു. ഡി ഇമ്മൻ ആണ് സംഗീതസംവിധാനം. ഗാനരചന നിർവഹിച്ചിരിക്കുന്നത് വിവേകാണ്. ഛായാഗ്രാഹകൻ വെട്രി പളനിസാമിയാണ്. നീണ്ട ഇടവേളയ്ക്ക് ശേഷം അണ്ണാത്തെ റിലീസ് ചെയ്യുന്നതിന്റെ ആവേശത്തിലാണ് ആരാധകർ.