പ്രണവ് മോഹൻലാൽ മലയാളത്തിന്റെ ടോം ക്രൂസ് ആണ്;മനസ്സ് തുറന്ന് അനു സിത്താര

വളരെ ചുരുങ്ങിയ കാലം കൊണ്ട് നിരവധി നായികവേഷങ്ങൾ കൈകാര്യം ചെയ്ത് മലയാളിയുടെ മനസ്സിൽ ചേക്കേറിയ താരമാണ് അനു സിതാര. 2013 ൽ സുരേഷ് അച്ചൂസ് സംവിധാനം ചെയ്ത പൊട്ടാസ് ബോംബ് എന്ന ചിത്രത്തിലൂടെ അഭിനയരംഗത്തേക്ക് കടന്നുവന്ന താരമാണ് അനു. താനൊരു കടുത്ത മമ്മൂട്ടി ആരാധിക ആണെന്ന് താരം നേരത്തെ പറഞ്ഞിരുന്നു. ഇപ്പോൾ ലാലേട്ടനോടൊപ്പം ഒരു ചിത്രം തന്റെ സ്വപ്നസാഫല്യം ആണെന്ന് തുറന്നു പറയുകയാണ് താരം. അതോടൊപ്പം പ്രണവ് മോഹൻലാലിനെ മലയാളത്തിലെ ടോം ക്രൂയിസ് ആയിട്ടാണ് തനിക്ക് തോന്നുന്നതെന്നും അനു സിതാര പറയുന്നു. മമ്മൂക്കയെ ദൂരെനിന്ന് എങ്കിലും ഒന്ന് കാണണമെന്നത് താരത്തിന്റെ വലിയ ആഗ്രഹങ്ങളിൽ ഒന്നായിരുന്നു. പേരൻപിന്റെ ഷൂട്ടിങ്ങിന് അത് സാധിച്ചു.

രണ്ട് വർഷം മുൻപുള്ള താരത്തിന്റെ ഒരു പിറന്നാൾ ദിനത്തിൽ വിഷസ് അറിയിച്ച മമ്മൂക്ക ഗിഫ്റ്റ് വേണ്ടേ എന്ന് ചോദിക്കുകയുണ്ടായി. ആ പിറന്നാൾ സമ്മാനം ആണ് കുട്ടനാടൻ ബ്ലോഗിലെ തന്റെ കഥാപാത്രം എന്നും തുറന്നു പറയുന്നു അനു. പ്രണവ് മോഹൻലാൽ അഭിനയിച്ച ആദി എന്ന ചിത്രത്തിലെ ആക്ഷൻ രംഗങ്ങൾ കണ്ടു അന്തം വിട്ടാണ് അനു സിത്താര ഇത്തരമൊരു പ്രശംസ അദ്ദേഹത്തിന് നൽകിയത്. റെഡ് വൈൻ എന്ന ചിത്രത്തിന്റെ ഷൂട്ടിംഗ് അവസരത്തിൽ മോഹൻലാലിനെയും താൻ കണ്ടിട്ടുണ്ടെന്നും താരം പറയുന്നു.