മലയാളത്തിൽ ഇപ്പോൾ ഏറെ ശ്രദ്ധിക്കപ്പെടുന്ന ഒരു നായികയാണ് അനു സിതാര. ചെറിയ വേഷങ്ങളിലൂടെ കഴിവു തെളിയിച്ച ഈ കലാകാരി ഹാപ്പി വെഡ്ഡിങ്, ഫുക്രി, രാമന്റെ ഏദൻതോട്ടം, ക്യാപ്റ്റൻ, ഒരു കുട്ടനാടൻ ബ്ലോഗ് തുടങ്ങി ഇരുപതോളം സിനിമകളിൽ നായികയായി. മാമാങ്കം ആയിരുന്നു അനു സിത്താരയുടെ ആവാസ8 ചിത്രം. തന്റെ അഭിനയ ജീവിതത്തെ കുറിച്ചും കുടുംബ ജീവിതത്തെ കുറിച്ചും നടി മനസ്സ് തുറക്കുന്നു.
കലോൽസവങ്ങളിലെ നൃത്ത മികവു തന്നെയാണ് എന്നെ സിനിമയിൽ എത്തിച്ചത്. പൊട്ടാസ് ബോംബ് എന്ന സിനിമയിൽ ചെറിയ വേഷം ചെയ്തു കൊണ്ടായിരുന്നു അരങ്ങേറ്റം. കലോത്സവ വേദികളിൽ നിന്നുള്ള എന്റെ ഫോട്ടോ കണ്ട് അണിയറ പ്രവർത്തകർ അമ്മയുടെ സുഹൃത്തായ രഞ്ജിനി മേനോൻ വഴി വഴി ബന്ധപ്പെടുകയായിരുന്നു. ഈ സിനിമയാണ് സത്യൻ അന്തിക്കാടിന്റെ ഒരു ഇന്ത്യൻ പ്രണയ കഥയിലേക്ക് അവസരം ഒരുക്കിയത്. അവിടെ ചെറിയൊരു ട്വിസ്റ്റുണ്ട്. പൊട്ടാസ് ബോംബിൽ എന്റെ ജോടിയായി അഭിനയിച്ച രോഹിത്, അവസരം തേടി സത്യൻ അന്തിക്കാടിനെ കാണാൻ ചെന്നപ്പോൾ, അവന്റെ പ്രകടനം കാണിക്കാനായി കാണിച്ചു കൊടുത്തത് സിനിമയിൽ ഞാനും അവനും ഒന്നിച്ചുള്ള സീൻ ആയിരുന്നു.
അവർ ലക്ഷ്മി ഗോപാലസ്വാമിയുടെ കുട്ടിക്കാലം അവതരിപ്പിക്കാനുള്ള പെൺകുട്ടിയെ തേടിക്കൊണ്ടിരിക്കയായിരുന്നു. അങ്ങനെ ചിത്രത്തിന്റെ ഭാഗമായി. അനാർക്കലി കഴിഞ്ഞ് തരുൺ ഗോപി സംവിധാനം ചെയ്ത തമിഴ് സിനിമയിൽ അഭിനയിച്ചതിനു ശേഷമാണ് വിഷ്ണു ഏട്ടനുമായുള്ള വിവാഹം. കോളജിൽ പഠിക്കുമ്പോഴേയുള്ള പ്രണയമായിരുന്നു. സിനിമ ജീവിതത്തെ വിവാഹം ഏറെ സ്വാധീനിച്ചിട്ടുണ്ട്. എന്റെ കലാജീവിതത്തിൽ മാതാപിതാക്കളെ പോലെ തന്നെ മികച്ച പിന്തുണയാണ് ഭർത്താവ് വിഷ്ണു തരുന്നത്. ഹാപ്പി വെഡ്ഡിങ്ങിൽ അഭിനയിക്കുന്നത് വിവാഹത്തിനു ശേഷമാണ്.
കരിയർ ബ്രേക്ക് കിട്ടിയത് രഞ്ജിത്ത് ശങ്കറിന്റെ രാമന്റെ ഏദൻ തോട്ടം എന്ന ചിത്രത്തിലെ നായികാ വേഷമാണ്. അതിനുശേഷമാണ് ജനം തിരിച്ചറിഞ്ഞു തുടങ്ങിയത്. നടൻ ജയസൂര്യയാണ് ചിത്രത്തിലേക്ക് എന്നെ ശുപാർശ ചെയ്തത്. ആദ്യം ഈ സിനിമയിലേക്ക് എന്നെ പരിഗണിച്ചിരുന്നെങ്കിലും പിന്നീട് എനിക്കു ഈ റോൾ ചെയ്യാനാകില്ലെന്നു കരുതി ഒഴിവാക്കാൻ തീരുമാനിച്ചതായിരുന്നു. എന്നാൽ നേരിട്ടു കണ്ടപ്പോൾ മാലിനിയുടെ വേഷം എനിക്കു ചേരുമെന്ന് ഉറപ്പിക്കുകയായിരുന്നെന്ന് ഷൂട്ടിങ് പൂർത്തിയായ ശേഷം സംവിധായകൻ രഞ്ജിത്ത് ശങ്കർ പറഞ്ഞിരുന്നു.
വിവാഹ ശേഷം നടികൾ സിനിമയിൽ സജീവമാകുന്നതാണ് പുതിയകാലം. എന്നെ സംബന്ധിച്ചിടത്തോളം അതു വളരെ ശരിയാണ്. അഭിനയത്തിലും നൃത്തത്തിലുമെല്ലാം എന്റെ ഏറ്റവും വലിയ വിമർശകൻ എന്റെ ഭർത്താവാണ്. അദ്ദേഹം കൂടെയുണ്ടാകുമ്പോൾ ഞാൻ സെറ്റിൽ ഏറെ കംഫർട്ടാണ്,അനു സിത്താര പറയുന്നു
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…