മാമാങ്കത്തിലെ ആ രംഗം അഭിനയിക്കുവാൻ പ്രയാസമായിരുന്നു; അനു സിതാര മനസ്സ് തുറക്കുന്നു

മമ്മൂക്കയെ നായകനാക്കി എം പദ്‌മകുമാർ സംവിധാനവും വേണു കുന്നപ്പിള്ളി നിർമാണവും നിർവഹിച്ച മാമാങ്കം വൻ വിജയമായി മുന്നേറുകയാണ്. വേൾഡ് വൈഡ് 135 കോടിയിലേറെ കളക്ഷൻ നേടിയെന്ന് ഇന്നലെ ചിത്രത്തിന്റെ അണിയറ പ്രവർത്തകർ പുറത്തു വിട്ടിരുന്നു. ഇപ്പോഴിതാ ചിത്രത്തിലെ ഒരു ഇമോഷണൽ രംഗം ചെയ്യുവാൻ താൻ ഏറെ പ്രയാസപ്പെട്ടു എന്ന് വെളിപ്പെടുത്തിയിരിക്കുകയാണ് നടി അനു സിതാര.

കൗമുദിയുമായുള്ള അഭിമുഖത്തിൽ ആണ് അനു സിതാര ഈ കാര്യം വെളിപ്പെടുത്തിയത്. ചിത്രത്തിൽ ഉണ്ണി മുകുന്ദൻ അവതരിപ്പിക്കുന്ന ചന്ദ്രോത് പണിക്കർ എന്ന കഥാപാത്രത്തിന്റെ ഭാര്യ വേഷത്തിൽ ആണ് അനു സിതാര എത്തിയത്. ചിത്രത്തിലെ ഇമോഷണലായ ഒരു രംഗം അവതരിപ്പിക്കാന്‍ താന്‍ അല്‍പ്പം പ്രയാസപ്പെട്ടു എന്ന വെളിപ്പെടുത്തലുമായി രംഗത്ത് വന്നിരിക്കുകയാണ് ഈ നടി. തനിക്കു വളരെ കുറച്ചു സീനുകൾ ആണ് ഈ ചിത്രത്തിൽ ഉള്ളു എങ്കിലും അത് വൈകാരിക രംഗങ്ങൾ ആയിരുന്നത് കാരണം ചെയ്യാൻ കുറച്ചു പ്രയാസപ്പെട്ടു എന്നാണ് അനു സിതാര പറയുന്നത്.

പഴയകാലത്ത് ചാവേറായി പോകുന്ന ആളുടെ ഭാര്യമാരുടെ അവസ്ഥ എന്തായിരിക്കുമെന്നതാണ് തന്റെ കഥാപാത്രത്തിലൂടെ കാണിക്കുന്നത് എന്നും ചാവേറായി ഭര്‍ത്താക്കന്മാര്‍ പോകുമ്പോള്‍ ഭാര്യമാര്‍ കരയാതെ ഉള്ളിലെ വിഷമം പുറമേ കാട്ടാതെ പിടിച്ച് നില്‍ക്കണം എന്നും അനു സിതാര പറയുന്നു. എന്നാൽ താൻ പെട്ടെന്ന് വിഷമം വരുന്ന ഒരാൾ ആണെന്നും അങ്ങനെയുള്ള തനിക്കു ആ രംഗം അവതരിപ്പിക്കാൻ വലിയ പ്രയാസം തോന്നി എന്നും ഈ നടി പറയുന്നു.