“അണ്ണന്റെ ജീവിതത്തിലേക്ക് വന്ന വലിയൊരു ഭാഗ്യം ഞങ്ങളുടെ രുക്കുവാണ്”;സഹോദരന് വിവാഹ വാർഷിക ആശംസകൾ നേർന്ന് അനുശ്രീ

ചുരുങ്ങിയ കാലം കൊണ്ടു തന്നെ മലയാളത്തിലെ മുൻനിര നായകന്മാരുടെ കൂടെ വിവിധ വേഷങ്ങൾ ചെയ്ത് മലയാളികൾക്ക് ഏറെ പ്രിയപ്പെട്ടവളായി മാറിയ താരമാണ് അനുശ്രീ. തിരക്കേറിയ ജീവിതത്തിനിടയിലും തന്റെ വിശേഷങ്ങളും ചിത്രങ്ങളും താരം ആരാധകർക്കായി പങ്കുവയ്ക്കാറുണ്ട്. ലോക് ഡൗൺ കാലമായതിനാൽ വീട്ടുമുറ്റത്ത് വെച്ച് നടത്തിയ ഫോട്ടോഷൂട്ട് ചിത്രങ്ങൾ അനുശ്രീ കഴിഞ്ഞദിവസം സോഷ്യൽ മീഡിയയിലൂടെ പങ്കുവെച്ചിരുന്നു.

അനുശ്രീക്ക് തന്റെ സഹോദരൻ അനൂപിന്നോടുള്ള സ്നേഹവും തിരിച്ച് അദ്ദേഹത്തിനുള്ള കരുതലും ഒക്കെ അനുശ്രീ കഴിഞ്ഞദിവസം സോഷ്യൽ മീഡിയയിലൂടെ പങ്കുവച്ചിരുന്നു. പുഴയിൽ വെച്ചുള്ള അനുശ്രീയുടെ ഫോട്ടോഷൂട്ടിന് സുരക്ഷയ്ക്കായി വന്നത് സഹോദരൻ അനൂപ് ആയിരുന്നു. അദ്ദേഹം അനുശ്രീ ഫോട്ടോ എടുക്കുന്ന സമയത്ത് പുഴയിൽ മുങ്ങി കിടന്നാണ് അനുശ്രീയുടെ സുരക്ഷ ഉറപ്പു വരുത്തിയത്. ഇപ്പോൾ തന്റെ സഹോദരന് വിവാഹ വാർഷിക ആശംസകൾ നേരുകയാണ് അനുശ്രീ. തന്റെ സഹോദരന്റെ ജീവിതത്തിലെ വലിയ ഒരു അനുഗ്രഹമാണ് ഭാര്യ ആതിര എന്ന് അനുശ്രീ പറയുന്നു.

“അണ്ണന്റെ ജീവിതത്തിലേക്ക് വന്ന വലിയൊരു ഭാഗ്യം ഞങ്ങളുടെ രുക്കുവാണ്. അവര്‍ ഒന്നിച്ചിട്ട് ഇന്നേയ്‍ക്ക് മൂന്ന് വര്‍ഷം ആകുന്നു. എന്നും ഇതുപോലെ സ്‍നേഹിച്ചും സുഖ- ദുഖങ്ങള്‍ പങ്കുവെച്ചും ഒരായിരം ജന്മങ്ങള്‍ ഒന്നിച്ചുകഴിയാൻ അണ്ണനും രുക്കുവിനും കഴിയട്ടെ” എന്നാണ് അനുശ്രീ പറയുന്നത്.