രണ്ടാമതും അച്ഛനായ സന്തോഷം പങ്കുവെച്ച് അപ്പനി ശരത്ത്!

അപ്പനി ശരത്ത് രണ്ടാമതും അച്ഛനായിരിക്കുകയാണ്.  തനിക്ക് ഒരു ആൺകുഞ്ഞു പിറന്ന വിവരം അപ്പനി ശരത്ത് തന്നെയാണ് ആരാധകരുമായി പങ്കുവെച്ചത്. കുറച്ച് ദിവസങ്ങൾക്ക് മുൻപാണ് പൂർണ്ണഗര്ഭിണിയായ ഭാര്യ രേഷ്മയ്ക്ക് ഒപ്പം നിൽക്കുന്ന ചിത്രം അപ്പനി ശരത്ത് പങ്കുവെച്ചത്. അതിനു പിന്നാലെയാണ് തനിക്ക് കുഞ്ഞുപിറന്ന വിവരം അപ്പനി ശരത്ത് പുറത്ത് വിട്ടത്.

അവന്തിക എന്നൊരു മകള്‍ കൂടി ഇവര്‍ക്കുണ്ട്. പ്രളയത്തിനെയും അതിജീവിച്ചായിരുന്നു മൂത്തമകള്‍ അവന്തികയുടെ ജനനം. പ്രളയസമയത്ത് ചെന്നൈയില്‍ ഷൂട്ടിങ് തിരക്കുകളില്‍ പെട്ടുപോയ ശരത് ലൈവില്‍ വന്ന്, പൂര്‍ണഗര്‍ഭിണിയായ തന്റെ ഭാര്യയെ രക്ഷിക്കണമെന്ന് അഭ്യര്‍ത്ഥിച്ചിരുന്നു. പ്രളയം ഏറ്റവുമധികം ബാധിച്ച ചെങ്ങന്നൂര്‍ വെണ്‍മണിയില്‍ അകപ്പെട്ടുപോയ ശരത്തിന്റെ ഭാര്യ രേഷ്മയെ പിന്നീട് രക്ഷാപ്രവര്‍ത്തകരാണ് സുരക്ഷിതമായ സ്ഥലത്തെത്തിച്ചത്.