മീര ജാസ്‌മിനുമൊത്തുള്ള ഫോട്ടോക്ക് ദുർവ്യാഖാനവുമായി മഞ്ഞ പത്രങ്ങൾ; അരുൺ ഗോപിയുടെ മറുപടി

സുഹൃത്ത് ബന്ധങ്ങൾ പോലും ദുർവ്യാഖാനിക്കപ്പെടുന്ന ഇക്കാലത്ത് മഞ്ഞ പത്രങ്ങൾ അവ ആഘോഷമാക്കുന്ന കാഴ്ച്ചയാണ് കാണാൻ സാധിക്കുന്നത്. സെലിബ്രിറ്റികൾക്കാണ് ഇതിൽ ഏറ്റവും കൂടുതൽ ഗോസിപ്പുകൾക്ക് ഇരയാകേണ്ടി വരുന്നത്. സംവിധായകൻ അരുൺ ഗോപിയാണ് ഇതിലെ ഏറ്റവും പുതിയ ഇര. നടി മീര ജാസ്‌മിന് ഒപ്പമുള്ള ഒരു ചിത്രം അദ്ദേഹം കഴിഞ്ഞ ദിവസം സോഷ്യൽ മീഡിയയിൽ പോസ്റ്റ് ചെയ്‌തിരുന്നു. ആ ഫോട്ടോ വെച്ച് മീര ജാസ്‌മിൻ വിവാഹ മോചിതയായെന്നും ഇനി അരുൺ ഗോപിക്കൊപ്പം എന്നുമെല്ലാം വാർത്തകൾ ഉണ്ടാക്കി പുറത്തു വിട്ടിരിക്കുകയാണ് ചില ഓൺലൈൻ സൈറ്റുകൾ. അതിനെതിരെ ശക്തമായ ഭാഷയിൽ തന്നെ മറുപടി പറഞ്ഞിരിക്കുകയാണ് അദ്ദേഹം.

നമസ്കാരം
എന്തൊരു കഷ്ടമാണ് ഒരു സുഹൃത്തിനൊപ്പമുള്ള ചിത്രം പോലും പങ്കുവയ്ക്കാൻ പറ്റാത്ത ലോകം ആകുകയാണോ ഇത് ?? എല്ലാര്ക്കും ജീവിക്കണം ഇല്ലാകഥകളിൽ ഇക്കിളി ചേർത്ത് ഉണ്ടാക്കിയല്ലാ ജീവിത മാർഗ്ഗം കണ്ടെത്തേണ്ടത്!! ഇത്തരം ഓൺലൈൻ സൈറ്റുകളിൽ ജീവിക്കുന്നത് കൊണ്ട് സൗഹൃദം എന്ന വാക്കിന്റെ അർത്ഥം അറിയാൻ പാടില്ല എന്നൊരു നിർബന്ധം കൊണ്ടുനടക്കരുത്..!! ജീവിതത്തിലെ നല്ല സുഹൃത്തുക്കളെ ചേർത്ത് പിടിക്കുകതന്നെ ചെയ്യും അത് ആണായാലും പെണ്ണ് ആയാലും!! കടലാസ്സു വിമാനങ്ങളുടെ ആകാശയുദ്ധത്തിനു താല്പര്യമില്ല!! സൗഹൃദങ്ങൾ പറന്നുയരട്ടെ!! പെൺകുട്ടികൾ പറന്നു ഉയരുന്ന നാടാണിത്!! “ഉയരെ” അങ്ങനെ ഉയരട്ടെ!! 🙏🏻