ബഡായ് ബംഗ്ലാവ് അവസാനിക്കുന്നു : ആര്യ മനസ്സ് തുറക്കുന്നു

മലയാളിയുടെ സ്വീകരണ മുറിയിൽ എന്നും സ്ഥാനം ഉണ്ടായിരുന്ന ബഡായി ബംഗ്ലാവ് നിർത്താൻ പോകുകയാണെന്ന് കഴിഞ്ഞ ദിവസമാണ് പ്രഖ്യാപിച്ചത്. രമേശ് പിഷാരടിയാണ് ഈ വാർത്ത പുറത്ത് വിട്ടത്. പ്രോഗ്രാമിൽ പ്രധാന പങ്ക്‌ വഹിക്കുന്ന ആര്യ ഇതിനെപ്പറ്റി മനസ്സ് തുറക്കുകയാണ്.

അപ്രതീക്ഷിതമായാണു ചാനല്‍ പരിപാടി അവസാനിപ്പിച്ചത് എന്ന് ആര്യ പറയുന്നു.
ഷൂട്ട് ചെയ്തു വച്ചിരിക്കുന്ന രണ്ടുമൂന്നു എപ്പിസോഡുകള്‍ ടെലിക്കാസ്റ്റ് ചെയ്യുമോ എന്നു പോലും അറിയില്ല എന്ന് ഒരു സ്വകാര്യ ചാനലിനു നല്‍കിയ അഭിമുഖത്തില്‍ ആര്യ പറഞ്ഞു. പരിപാടി നിര്‍ത്തുക എന്നത് വളരെ വിഷമമുള്ള കാര്യമാണ്. ധാരാളം പേര്‍ ഷോ നിര്‍ത്തരുത് എന്നു പറഞ്ഞു മെസേജ് ചെയ്തു.ഇത്രയും വര്‍ഷമായില്ലെ ഇനിയും വലിച്ചു നീട്ടിയാല്‍ ആളുകള്‍ക്കു ബോറടിക്കും എന്ന് ആര്യ പറഞ്ഞു. തന്റെ കരിയറിലെ നാഴികകല്ലായിരുന്നു ബഡായി ബംഗ്ലാവ് എന്ന് ആര്യ പറഞ്ഞു.