23-ാം വയസിൽ ചേച്ചിയാകാൻ പോകുന്നതിന്റെ സന്തോഷം പങ്കുവെച്ച് സീരിയൽ താരം, അമ്മയുടെ നിറവയർ കെട്ടിപ്പിടിച്ച് ആര്യ പാർവതി

സീരിയൽപ്രേക്ഷകരുടെ ഇഷ്ടതാരമാണ് നടി ആര്യ പാർവതി. തന്റെ ഇരുപത്തിമൂന്നാമത്തെ വയസിൽ താൻ ഒരു ചേച്ചിയാകാൻ പോകുന്നതിന്റെ സന്തോഷം പങ്കുവെയ്ക്കുകയാണ് താരം. തന്റെ അമ്മ ഗർഭിണിയാണെന്നും താൻ ഇരുപത്തിമൂന്നാം വയസിൽ ഒരു ചേച്ചിയാകാൻ പോകുകയാണ് എന്നുമാണ് ആര്യ പാർവതി കുറിച്ചത്. നിരവധി പേരാണ് കമന്റ് ബോക്സിൽ ആര്യയ്ക്കും അമ്മയ്ക്കും അഭിനന്ദനവുമായി എത്തിയത്.

നിറവയറിലുള്ള അമ്മയെ കെട്ടിപിടിച്ചു നിൽക്കുന്ന ചിത്രമാണ് താരം സോഷ്യൽ മീഡിയയിൽ പങ്കുവെച്ചിരിക്കുന്നത്. 23 വർഷത്തിന് ശേഷം തനിക്കൊരു കുഞ്ഞനുജത്തിയെയോ അനുജനെയോ ലഭിക്കാൻ പോകുന്നു. സന്തോഷത്തിൽ താൻ മതിമറന്നിരിക്കുകയാണെന്നും വല്യേച്ചിയുടെയും അമ്മയുടെയും സ്ഥാനം ഏറ്റെടുക്കാൻ താൻ തയ്യാറാണെന്നും വേഗം വരൂ, എന്റെ കുഞ്ഞാവേ എന്നുമാണ് താരം പോസ്റ്റിന് കാപ്ഷനായി നൽകിയിരിക്കുന്നത്.

നിറവയറിൽ സന്തോഷവതിയായി നിൽക്കുന്ന അമ്മയുടെ നിറവയറിൽ തലോടി കെട്ടിപിടിച്ചു നിൽക്കുന്ന ചിത്രം താരം ഇൻസ്റ്റഗ്രാമിലൂടെയാണ് പങ്കുവെച്ചിരിക്കുന്നത്. ചിത്രം പങ്കുവെച്ച് നിമിഷ നേരങ്ങൾ കൊണ്ട് തന്നെ വൈറലായി മാറി. നിരവധി ആരാധകരാണ് അമ്മയ്ക്ക് ആശംസകളുമായി രംഗത്ത് എത്തിയത്. വരദ, അനുശ്രീ, കല്യാണി, സൗപർണിക അടക്കം നിരവധി താരങ്ങളും ചിത്രത്തിന് താഴെ കമന്റ് കളുമായി രംഗത്ത് എത്തിയിട്ടുണ്ട്. ചെമ്പട്ട്, ഇളയവൾ, ഗായത്രി തുടങ്ങിയ സീരിയലുകളിലൂടെ ആണ് പ്രേക്ഷകരുടെ ഇഷ്ടതാരമായി ആര്യ മാറിയത്. അഭിനയം മാത്രമല്ല നൃത്തവും വഴങ്ങുന്ന ഈ യുവ അഭിനേത്രി തന്റെ എല്ലാ വിശേഷങ്ങളും സോഷ്യൽ മീഡിയയിൽ പങ്കുവെക്കാറുണ്ട്.