‘ലിപ്‌ലോക്കും ഇഴുകിച്ചേർന്നുള്ള രംഗങ്ങളും കഴിഞ്ഞപ്പോൾ ദേഹത്തിന് ചെറിയ ചൂട്..! ടെസ്റ്റ് ചെയ്തപ്പോൾ കോവിഡ്..!’ അശോക് സെൽവൻ

വെങ്കട് പ്രഭുവിന്റെ സംവിധാനത്തിലൊരുങ്ങിയ അശോക് സെൽവന്റെ മന്മദ ലീലൈ എന്ന ചിത്രം മികച്ച പ്രേക്ഷക പ്രതികരണം നേടി മുന്നേറുകയാണ്. സിനിമയുടെ പ്രമോഷന്റെ ഭാഗമായി നല്‍കിയ അഭിമുഖത്തിൽ ഷൂട്ടിങ്ങിന് ഇടയില്‍ കൊവിഡ് ബാധിച്ചതിനെ കുറിച്ച് നടന്‍ വെളിപ്പെടുത്തിയിരുന്നു.

അഡൽറ്റ് കോമഡി ചിത്രമായ മന്മദ ലീലയിൽ സംയുക്ത ഹെഗ്‌ഡെയാണ് നായിക. റിയ സുമനും സ്മൃതി വെങ്കടുമാണ് ചിത്രത്തിലെ മറ്റ് കഥാപാത്രങ്ങളായി എത്തിയത്. ചിത്രത്തില്‍ ചില ലിപ് ലോക്ക് രംഗങ്ങളും ഉണ്ട്. ആ ലിപ് ലോക്കിനെ കുറിച്ച് സംസാരിക്കവെയാണ്, അത് ചിത്രീകരിച്ച സാഹചര്യത്തെ കുറിച്ചും അശോക് സെല്‍വന്‍ തുറന്നു പറഞ്ഞത്.

ചിത്രത്തില്‍ സംയുക്ത ഹെജ്ഡെയുമായുള്ള ഒരു ലിപ് ലോക്ക് സീന്‍ ഉണ്ടായിരുന്നു. ആ രംഗം ചിത്രീകരിച്ച് കഴിഞ്ഞ ശേഷം തനിയ്ക്ക് നേരീയ ചൂട് അനുഭവപ്പെട്ടു. ടെസ്റ്റ് നോക്കിയപ്പോള്‍ കൊവിഡ് പോസിറ്റീവ്. റിസള്‍ട്ട് വന്ന ഉടനെ ആദ്യം വിവരം അറിയിച്ചത് സംയുക്തയെ ആണെന്ന് അശോക് പറയുന്നു. എന്നാല്‍ ഭാഗ്യത്തിന് സംയുക്ത ഉള്‍പ്പടെ സെറ്റില്‍ ആര്‍ക്കും എന്നില്‍ നിന്ന് രോഗം പടര്‍ന്നിട്ടില്ല.

താന്‍ വെങ്കട് പ്രഭുവിന്റെ കടുത്ത ആരാധകനാണ് എന്നും, അതിനാല്‍ മന്മദ ലീലൈ എന്ന സിനിമ ഒരു പരീക്ഷണ ചിത്രമാണ് എന്ന് അറിഞ്ഞിട്ടും ഉടന്‍ ഏറ്റെടുക്കുകയായിരുന്നു എന്നും അശോക് സെല്‍വന്‍ പറയുന്നു. ഹോസ്റ്റല്‍ എന്ന പുതിയ ചിത്രത്തിന്റെ റിലീസിന് വേണ്ടി കാത്തിരിയ്ക്കുകയാണ് ഇപ്പോള്‍ നടന്‍. നനിത്തം ഒരു വാനം എന്ന പേരില്‍ തമിഴില്‍ ഒരുങ്ങുന്ന സിനിമ കൂടിയുണ്ട് ആകാശം എന്ന പേരില്‍ മലയാളത്തിലും എത്തുന്നുണ്ട്.