വിജയ് സൂപ്പറും,ഉയരെ,വൈറസ്…വിജയപരമ്പര തുടരാൻ കക്ഷി അമ്മിണിപിള്ളയിലൂടെ ആസിഫ് അലി വീണ്ടും

മലയാള സിനിമയിൽ സജീവ സാന്നിധ്യമായി മാറിയ പ്രിയ നടനാണ് ആസിഫ്‌ അലി.ഈ വർഷം ആസിഫ്‌ അലിയുടെ ചിത്രങ്ങളെല്ലാം തന്നെ തിയേറ്ററുകളിൽ വലിയ വിജയമായിരുന്നു.ഈ വർഷം ആദ്യം പുറത്തിറങ്ങിയ വിജയ് സൂപ്പറും പൗർണമിയും,പിന്നീട് പുറത്തിറങ്ങിയ ഉയരെ,ഏറ്റവും ഒടുവിലായി വൈറസ് എന്നി ചിത്രങ്ങളിൽ എല്ലാം ഗംഭീര പ്രകടനമാണ് ആസിഫ് അലി കാഴ്ചവെച്ചത്.ഈ ചിത്രങ്ങളെല്ലാം തിയറ്ററിൽ വലിയ വിജയമായിരുന്നു എന്നതും മറ്റൊരു യാഥാർത്ഥ്യം.

കഴിഞ്ഞ ദിവസം പുറത്തിറങ്ങിയ ഉണ്ടയിൽ ഒരു ഗസ്റ്റ് റോളിൽ ആസിഫ്‌ അലി എത്തിയിരുന്നു. ഈ ചിത്രവും മികച്ച റിപ്പോർട്ടുകളിലൂടെ പ്രദർശനം ആരംഭിച്ചിരിക്കുകയാണ്.തുടർ വിജയങ്ങൾ ശീലമാക്കിയ ആസിഫ് അലി നായകനാകുന്ന അടുത്ത ചിത്രം ആണ് കക്ഷി അമ്മിണിപ്പിള്ള. ചിത്രം അടുത്ത വെള്ളിയാഴ്ച തീയേറ്ററുകളിലെത്തും. ഈ വർഷത്തെ വലിയ വിജയങ്ങളുടെ പരമ്പര ഈ ചിത്രത്തിലും തുടരാനാകുമെന്ന് പ്രതീക്ഷയിലാണ് അണിയറപ്രവർത്തകർ.നവാഗതനായ ഡിൻജിത് അയ്യതൻ സംവിധാനം ചെയ്യുന്ന ചിത്രത്തിന്റെ തിരക്കഥ ഒരുക്കിയത് സനിലേഷ് ശിവനാണ്.റിജു രാജൻ ആണ് നിർമ്മാണം.സാമുവൽ എബി ആണ് സംഗീത സംവിധായകൻ.
ആസിഫ് അലി രാഷ്ട്രീയ പ്രവർത്തകനായ വക്കീലിന്റെ വേഷത്തിലാണ് ചിത്രത്തിൽ പ്രത്യക്ഷപ്പെടുന്നത്. ചിത്രത്തിലെ തലശ്ശേരി പാട്ടും ട്രെയിലറും എല്ലാം തന്നെ ഹിറ്റ് ചാർട്ടിൽ ഇടം പിടിച്ചിരുന്നു.പാട്ടും ട്രെയിലറും പോലെ തന്നെ ചിത്രവും ഹിറ്റ് ചാർട്ടിൽ ഇടം പിടിക്കുമെന്ന പ്രതീക്ഷയിലാണ് ആരാധകർ.