ടീച്ചർമാരുടെ ക്ലാസുകളിൽ തമാശ കാണുന്ന പ്രവണത നല്ലതല്ല;നിലപാടുമായി അശ്വതി ശ്രീകാന്ത്

ജൂൺ 1 ആയ ഇന്നലെ പുതിയ ഒരു അധ്യായന വർഷം ആരംഭിച്ചിരിക്കുകയാണ്. എല്ലാ വർഷങ്ങളിൽ നിന്നും വ്യത്യസ്തമായി അമ്മമാരെ കാത്തു കരഞ്ഞുകൊണ്ടിരിക്കുന്ന കുഞ്ഞുങ്ങളും കുഞ്ഞുങ്ങളെ നോക്കി മരച്ചുവട്ടിലിരിക്കുന്ന അമ്മമാരും ഇന്നലെ സ്ക്രീനിൽ ഉണ്ടായിരുന്നില്ല. ഓൺലൈൻ ക്ലാസുകൾ ആയിരുന്നു ഇന്നലെ കുട്ടികളെ വരവേറ്റത്. ഒന്നാം ക്ലാസ്സിലെ കുട്ടികൾക്കായി ക്ലാസെടുത്ത സായി ടീച്ചർ ഇപ്പോൾ ലോകമെമ്പാടും വൈറലായിരിക്കുകയാണ്. ആരെയും ആകർഷിക്കുന്ന തരത്തിലായിരുന്നു ടീച്ചറുടെ അവതരണം. പൂച്ചകളുമായി എത്തിയ സായി ടീച്ചർ കുഞ്ഞുങ്ങളെ തൊടാതെ തൊട്ട് ക്ലാസ് വളരെ ഭംഗിയായി പൂർത്തിയാക്കി. എന്നാൽ അപമാനിക്കുന്ന തരത്തിലും ചില സൈബർ ആക്രമണങ്ങൾ നേരിടുകയുണ്ടായി ചില അധ്യാപകർ. ഇതിൽ പ്രതിഷേധം രേഖപ്പെടുത്തുകയാണ് അവതാരിക അശ്വതി ശ്രീകാന്ത്.

അശ്വതിയുടെ ഫേസ്ബുക്ക് പോസ്റ്റ്

ഓൺലൈൻ ക്‌ളാസ്സുകൾ കുട്ടികൾക്കും ടീച്ചർമാർക്കും പുതിയതാണ്. സാധാരണ ക്ലാസ് നടക്കുമ്പോൾ അത് ടീച്ചറിന്റെയും കുട്ടികളുടെയും മാത്രം ലോകമാണ്.അതിലേയ്ക്ക് കണ്ണ് നട്ട് ഒരു സൈബർ ലോകം മുഴവൻ ഇരിക്കുന്നുവെന്ന ചിന്ത തന്നെ അവരെ കോൺഷ്യസ് ആക്കും. അതിൽ നിന്ന് സ്വയം മാറി നിൽക്കുക എന്നത് ഒരു സാമാന്യ മര്യാദ ആണ്. അതിൽ തമാശ കാണുന്ന പ്രവണത നല്ലതല്ല എന്ന അഭിപ്രായത്തിൽ ഉറച്ച് നിൽക്കുന്നു.

Respect their privacy