സച്ചി സംവിധാനം ചെയ്ത ഹിറ്റ് ചിത്രമായിരുന്നു അയ്യപ്പനും കോശിയും. അടുത്തിടെ മലയാളത്തില്‍ നിന്നും ഏറെ ജനപ്രീതിയും നിരൂപക പ്രശംസയും നേടിയ ചിത്രമായിരുന്നു ഇത്. ചിത്രം തമിഴ്, തെലുങ്ക്, ഹിന്ദി ഭാഷകളിലേക്ക് റീമേക്ക് ചെയ്യുന്നതായി വാര്‍ത്തകള്‍ പുറത്തു വന്നിരുന്നു. ഇതില്‍ തെലുങ്ക് റീമേക്കിന്റെ റിലീസ് തീയതി പ്രഖ്യാപിച്ചിരിക്കുകയാണ് ചിത്രത്തിന്റെ അണിയറ പ്രവര്‍ത്തകര്‍. ചൊവ്വാഴ്ച പുറത്തു വിട്ട ഒരു മേക്കിങ് വീഡിയോയിലാണ് സിനിമയുടെ റിലീസ് തീയതി പ്രഖ്യാപിച്ചിരിക്കുന്നത്. അടുത്ത വര്‍ഷം മകര സംക്രാന്തി ആഘോഷ സമയത്ത് ചിത്രം റിലീസ് ചെയ്യുമെന്നാണ് വീഡിയോയില്‍ പറയുന്നത്.
പവര്‍സ്റ്റാര്‍ പവന്‍ കല്യാണ് ആണ് ബിജു മേനോന്‍ ചെയ്ത അയ്യപ്പന്‍ നായര്‍ എന്ന പൊലീസ് കഥാപാത്രമായി എത്തുന്നത്. ഭീംല നായിക് എന്നാണ് തെലുങ്കു പതിപ്പില്‍ കഥാപാത്രത്തിന്റെ പേര്. മലയാളത്തില്‍ സാള്‍ട്ട് ആന്‍ഡ് പെപ്പര്‍ ലുക്കിലാണ് ബിജു മേനോന്‍ അയ്യപ്പന്‍ നായരായി എത്തിയതെങ്കില്‍ തെലുങ്കില്‍ പവന്‍ കല്യാണ് തല ഒട്ടും നരക്കാതെ പ്രായം അധികം തോന്നാത്ത ഗെറ്റപ്പിലാണുള്ളത്. പൃഥ്വിരാജ് ചെയ്ത കോശി എന്ന കഥാപാത്രമായി വരുന്നത് റാണ ദഗ്ഗുബാട്ടിയാണ്. സാഗര്‍ കെ ചന്ദ്ര സംവിധാനം ചെയ്യുന്ന ചിത്രത്തിന്റെ പേര് ഇതുവരെ പ്രഖ്യാപിച്ചിട്ടില്ല. കൊവിഡ് പ്രതിസന്ധിയെ തുടര്‍ന്ന് നിര്‍ത്തിവച്ച ചിത്രത്തിന്റെ പ്രൊഡക്ഷന്‍ മാസങ്ങള്‍ക്ക് ശേഷം തിങ്കളാഴ്ചയാണ് പുനരാരംഭിച്ചത്. ഹിറ്റ് ചലച്ചിത്ര നിര്‍മ്മാതാവ് ത്രിവിക്രം ആണ് സംഭാഷണങ്ങള്‍ എഴുതിയത്.
ഈ വര്‍ഷം ആദ്യം പവന്‍ കല്യാണ് കോവിഡ് ബാധിക്കുകയും അദ്ദേഹത്തിന്റെ ഫാംഹൗസില്‍ ചികിത്സയില്‍ കഴിയുകയും ചെയ്തിരുന്നു. തന്റെ പുതിയ ചിത്രമായ വക്കീല്‍ സാബിന്റെ പ്രൊമോഷന്‍ ചെയ്യുന്നതിനിടെയാണ് താരത്തിന് അണുബാധ പിടിപെട്ടതെന്നായിരുന്നു വിവരം. അന്തരിച്ച സംവിധായകനും തിരക്കഥാകൃത്തുമായ സച്ചി സംവിധാനം ചെയ്ത അയ്യപ്പനും കോശിയും കഴിഞ്ഞ വര്‍ഷം മലയാളത്തിലെ ഏറ്റവും വലിയ വിജയ ചിത്രമായിരുന്നു. അയ്യപ്പന്‍ നായര്‍ എന്ന പൊലീസ് ഓഫീസറും റിട്ടയേര്‍ഡ് ഹവില്‍ദാര്‍ ആയ കോശി കുര്യനും തമ്മിലുള്ള ഈഗോയാണ് ചിത്രത്തിന്റെ കഥ. 50 കോടിയിലേറെ കളക്ഷന്‍ ചിത്രം നേടിയിരുന്നു. ‘അനാര്‍ക്കലി’ക്ക് ശേഷം പൃഥ്വിയും ബിജു മേനോനും സച്ചിയും വീണ്ടും ഒന്നിച്ച ചിത്രം കൂടിയായിരുന്നു ഇത്.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…