കെ ജി എഫ് ചാപ്റ്റർ 2വിൽ ബാലയ്യയും..! അത്ഭുതത്തോടെ ആരാധകർ

2018ൽ പുറത്തിറങ്ങിയ യാഷ് നായകനായ കെ ജി എഫ് നിരവധി റെക്കോർഡുകളാണ് കീഴടക്കിയത്. ഏറെ പ്രശംസ നേടിയ ചിത്രത്തിന്റെ സംവിധാനം നിർവഹിച്ചിരിക്കുന്നത് പ്രശാന്ത് നീലാണ്. ചിത്രത്തിന്റെ രണ്ടാം ഭാഗം ഇപ്പോൾ പ്രദർശനത്തിന് ഒരുങ്ങുകയാണ്. വില്ലൻ വേഷത്തിൽ സഞ്ജയ് ദത്ത് എത്തുന്ന ചിത്രത്തിൽ രവീണ ഠണ്ടനും അഭിനയിക്കുന്നുണ്ട്. ഇപ്പോൾ സോഷ്യൽ മീഡിയയിൽ ഏറെ ശ്രദ്ധ പിടിച്ചുപറ്റുന്ന ഒരു വാർത്ത തെലുങ്ക് മാസ്സ് ഹീറോ നന്ദമുറി ബാലകൃഷ്‌ണ എന്ന ബാലയ്യയും ഉണ്ടെന്ന വാർത്തകളാണ്. ഗൂഗിളിൽ കെ ജി എഫ് 2 സെർച്ച് ചെയ്‌താൽ കാസ്റ്റിംഗിൽ ബാലയ്യയേയും കാണിക്കുന്നതാണ് പ്രേക്ഷകരെ അത്ഭുതപ്പെടുത്തിയിരിക്കുന്നത്.

ഇനായത് ഖലീൽ എന്ന വേഷത്തിലാണ് ബാലയ്യ എത്തുന്നത് എന്നാണ് ഗൂഗിളിൽ കാണിക്കുന്നത്. ചിത്രത്തിന്റെ അണിയറപ്രവർത്തകർ ആരും തന്നെ ഇതിനെ കുറിച്ച് ഔദ്യോഗികമായ ഒരു അറിയിപ്പും തന്നിട്ടില്ല. പ്രേക്ഷകർ ഏറെ ആവേശത്തോടെ കാത്തിരിക്കുന്ന ചിത്രത്തിന്റെ ടീസർ ജനുവരി എട്ടിന് പുറത്തിറക്കുമെന്ന് സംവിധായകൻ തന്നെ വ്യക്തമാക്കിയിട്ടുള്ളതിനാൽ പ്രേക്ഷകർ ഏവരും ഏറെ ആവേശത്തിലാണ്.