ഉറങ്ങിക്കിടന്ന ഭാര്യയെ ബലൂൺ പൊട്ടിച്ചുണർത്തി ബേസിൽ ജോസഫ്; എട്ടിന്റെ മറുപണിയുമായി ഭാര്യ

കുഞ്ഞിരാമായണം, ഗോദ എന്നി സൂപ്പർ ഹിറ്റുകൾ ഒരുക്കിയ സംവിധായകനാണ് ബേസിൽ ജോസഫ്. ടോവിനോ തോമസ് നായകനായി എത്തുന്ന മിന്നൽ മുരളിയാണ് ബേസിലിന്റെ അടുത്ത സംവിധാന സംരഭം. ബേസിൽ ജോസഫ് കോട്ടയം പുതുപ്പള്ളി സ്വദേശിയായ എലിസബത്തിനെ വിവാഹം ചെയ്തു. ബേസില്‍ തിരുവനന്തപുരത്ത് ഇലക്ട്രിക്കല്‍ എന്‍ജിനീയറിങ് പഠിക്കുമ്പോള്‍ രണ്ടുവര്‍ഷം ജൂനിയറായിരുന്നു എലിസബത്ത്. അങ്ങനെയാണ് ഇരുവരും കണ്ടുമുട്ടിയത്. ബേസിൽ ജോസഫ് സോഷ്യൽ മീഡിയയിൽ പങ്ക് വെച്ച ഒരു വീഡിയോ ഇപ്പോൾ ശ്രദ്ധേയമാവുകയാണ്.

ഉറങ്ങിക്കിടന്ന ഭാര്യയെ ബേസിൽ ഒരു ബലൂൺ പൊട്ടിച്ച് ഉണർത്തുന്നതാണ് വീഡിയോയിൽ കാണുവാൻ സാധിക്കുന്നത്. എന്നാൽ തൊട്ടടുത്ത ദിവസം രാവിലെ എട്ടിന്റെ മറുപണിയാണ് ഭാര്യ നൽകിയത്. ഉറങ്ങിക്കിടന്ന ബേസിലിന്റെ തലയിൽകൂടി വെള്ളം ഒഴിച്ചാണ് ഭാര്യ പകരം തീർത്തത്. “ഒരു പക വീട്ടല് പ്രതീക്ഷിച്ചിരുന്നു. പക്ഷെ ഇത്രക്ക് പ്രതീക്ഷിച്ചില്ല. P.S : ഉറങ്ങി കിടക്കുന്നവരെ ഉപദ്രവിക്കരുത്. പ്രത്യേകിച്ച് സ്വന്തം ഭാര്യയെ ! 🙄” എന്ന ക്യാപ്ഷനോട് കൂടിയാണ് താരം വീഡിയോ പങ്ക് വെച്ചിരിക്കുന്നത്.

ബേസില്‍ ജോസഫ് സുല്‍ത്താന്‍ ബത്തേരി സ്വദേശിയാണ്. തിരുവനന്തപുരം കോളേജ് ഓഫ് എഞ്ചിനീയറിംഗ് (സി.ഇ.ടി)യില്‍ നിന്നും എഞ്ചിനീയറിംഗ് ബിരുദം നേടി ഇന്‍ഫോസിസില്‍ സോഫ്റ്റ്‌വെയര്‍ എഞ്ചിനീയര്‍ ആയി ജോലി നോക്കുന്നതിനിടയില്‍ ഒരുക്കിയ ഷോര്‍ട്ട് ഫിലിമുകളിലൂടെ ശ്രദ്ധ നേടി. ശ്ശ് ..(Shhh) – (2012), പ്രിയംവദ കാതരയാണോ (2012), ഒരു തുണ്ട് പടം (2013) തുടങ്ങിയ ലഘു സിനിമകള്‍ എഴുതി സംവിധാനം ചെയ്തു. പടയോട്ടം, കെട്ട്യോളാണെന്റെ മാലാഖ, മനോഹരം എന്നിങ്ങനെ നിരവധി ചിത്രങ്ങളിലൂടെ അഭിനേതാവായും ബേസിൽ പ്രേക്ഷകരെ ചിരിപ്പിച്ചിട്ടുണ്ട്.