“ഡിഗ്രി സെക്കൻഡ് ഇയർ വരെ ലാലേട്ടൻ എന്റെ ശരീരത്തിൽ തന്നെ ഉണ്ടായിരുന്നു” ലാലേട്ടനോടുള്ള ഇഷ്ടം തുറന്ന് പറഞ്ഞ് ബിബിൻ ജോർജ്

സൂപ്പർഹിറ്റ് തിരക്കഥകളിലൂടെയും നായകനായും വില്ലനായും പ്രേക്ഷക മനസ്സുകളിൽ ഇടം പിടിച്ച ബിബിൻ ജോർജ് നായകനാകുന്ന രണ്ടാമത്തെ ചിത്രം മാർഗംകളി പ്രദർശനത്തിന് തയ്യാറെടുക്കുകയാണ്. ആഗസ്റ്റ് മാസം തീയറ്ററുകളിൽ എത്താൻ ഒരുങ്ങുന്ന ചിത്രത്തിൽ നമിത പ്രമോദാണ് നായിക. ചിത്രത്തിന്റെ പ്രൊമോഷന്റെ ഭാഗമായി സിനിമ ഡാഡിയുടെ എക്‌സ്‌ക്ലൂസീവ് ഫൺ ചാറ്റ് ഷോയായ എങ്കിലേ എന്നോട് പറ പ്രോഗ്രാമിൽ ലാലേട്ടനോടുള്ള ആരാധന തുറന്ന് പറഞ്ഞിരിക്കുകയാണ് ബിബിൻ. ലാലേട്ടന്റെ സിനിമകൾ ഒക്കെ കണ്ടിട്ടാണ് നടൻ ആകണമെന്ന ആഗ്രഹം ചെറുപ്പം തൊട്ടേ മനസ്സിൽ ഉണ്ടായതെന്നും ഡിഗ്രി സെക്കൻഡ് ഇയർ വരെ ലാലേട്ടൻ തന്റെ ശരീരത്തിൽ തന്നെ ഉണ്ടായിരുന്നുവെന്നും ബിബിൻ പറഞ്ഞു. ലാലേട്ടന്റെ മാനറിസങ്ങൾ കോപ്പി ചെയ്യാതെ സ്വന്തമായൊരു ശൈലി രൂപപ്പെടുത്തുവാൻ സുഹൃത്ത് പറഞ്ഞതിനെ തുടർന്നാണ് മാറ്റങ്ങൾ ഉണ്ടായതെന്നും ബിബിൻ കൂട്ടിച്ചേർത്തു.