പ്രേക്ഷകർക്കും വിജയ് ആരാധകർക്കും ഒരേ പോലെ ആവേശവും ആഘോഷവും സമ്മാനിച്ച ചിത്രങ്ങളാണ് ആറ്റ്ലീ – വിജയ് കൂട്ടുകെട്ടിൽ തീയറ്ററുകളിൽ എത്തിയ തെരിയും മെർസലും. ആ കൂട്ടുകെട്ട് വീണ്ടും ഒന്നിക്കുന്നുവെന്നറിഞ്ഞപ്പോൾ ആരാധകർ അത് ആഘോഷമാക്കുകയും ചെയ്തു. ആ ആഘോഷങ്ങളെ അതിന്റെ ഉച്ചസ്ഥായിയിൽ എത്തിച്ച് ബിഗിൽ ഇന്ന് തീയറ്ററുകളിൽ എത്തിയിരിക്കുകയാണ്. വിജയ് ചിത്രങ്ങൾക്ക് സാധാരണ ഉണ്ടാകുന്ന നിയമ കുരുക്കുകളും വിവാദങ്ങളും ബിഗിലിനെയും വെറുതെ വിട്ടില്ല. എന്നിട്ടും അതിനെയെല്ലാം തരണം ചെയ്താണ് ചിത്രം തീയറ്ററുകളിൽ എത്തിയിരിക്കുന്നത്. പ്രേക്ഷകർക്ക് ആഘോഷമാക്കാനുള്ളത് എല്ലാം തന്നെ ചിത്രത്തിൽ ഉണ്ടെന്ന് ട്രെയ്‌ലർ തന്നെ ഉറപ്പ് തന്നിരുന്നു.
വിജയ് ഗില്ലിയിൽ കബഡി കളിക്കാരൻ ആയിട്ടാണെങ്കിലും അതൊരു ത്രില്ലിംഗ് പ്രണയ ചിത്രമായിട്ടാണ് പ്രേക്ഷകർ ഏറ്റെടുത്തത്. എന്നാൽ ബിഗിൽ എത്തിയിരിക്കുന്നത് ഒരു പക്കാ സ്പോർട്സ് മൂവിയായിട്ടാണ്. ഗ്യാങ്സ്റ്ററായ രായപ്പൻ, മകൻ മൈക്കിൾ എന്നിങ്ങനെ ഡബിൾ റോളിലാണ് വിജയ് ചിത്രത്തിൽ എത്തുന്നത്. അപ്രതീക്ഷിതമായി നടക്കുന്ന ചില സംഭവ വികാസങ്ങൾ ജീവിതം മാറ്റിമറിക്കുന്ന ഒരു ചാമ്പ്യൻ ഫുട്ബോളറുടെ കഥയാണ് ചിത്രം പറയുന്നത്. വർഷങ്ങൾക്ക് ശേഷം കോച്ചായി തിരിച്ചെത്തുന്ന അയാൾക്ക് മുന്നിൽ പരിശീലിപ്പിക്കുവാനുള്ളത് അച്ചടക്കമോ അനുസരണയോ ഒട്ടുമില്ലാത്ത ഒരു കൂട്ടം പെൺകുട്ടികൾ അടങ്ങിയ ടീമിനെയാണ്. ചാമ്പ്യൻ ഫുട്‌ബോളർ ആ വെല്ലുവിളികളെ തരണം ചെയ്യുന്നതും അതിനുള്ള അധ്വാനവുമെല്ലാം ആക്ഷനും ഇമോഷനുമെല്ലാം ചേർത്ത് മനോഹരമായി അവതരിപ്പിച്ചിരിക്കുകയാണ് ബിഗിലിൽ.
ശിവകാശി, വില്ല് തുടങ്ങിയ ചിത്രങ്ങളിൽ വിജയ്‌യുടെ നായികയായി അഭിനയിച്ച നയൻതാര വർഷങ്ങൾക്കിപ്പുറം വിജയ്ക്കൊപ്പം അഭിനയിക്കുന്നു എന്ന പ്രത്യേകത കൂടി ബിഗിലിനുണ്ട്. മികച്ചൊരു കെമിസ്ട്രി ഇരുവരും തമ്മിലുണ്ട്. ഇമോഷണൽ രംഗങ്ങൾക്കും മാസ്സ് ആക്ഷൻ രംഗങ്ങൾക്കും ഒരേപോലെ പ്രാധാന്യം നൽകി ഒരുക്കിയിരിക്കുന്ന ചിത്രം ഒരു നിമിഷം പോലും പ്രേക്ഷകരെ നിരാശപ്പെടുത്തുന്നില്ല എന്നതാണ് ശ്രദ്ധേയം. വിജയ് ചിത്രങ്ങളിൽ കാണുന്ന സാമൂഹിക പ്രശ്നങ്ങളിലേക്കുള്ള ആഴമാർന്ന ഇറങ്ങിച്ചെല്ലൽ ഒട്ടും തന്നെ കുറക്കാതെയുള്ള ചിത്രത്തിൽ കൊച്ചുകുട്ടികൾ മുതൽ സ്ക്രീനിൽ മുഖം കാണിച്ച ഓരോരുത്തരും മികച്ച പ്രകടനമാണ് കാഴ്ച്ച വെച്ചത്.
സംവിധായകൻ ആറ്റ്ലീയും രമണ ഗിരിവാസനും ചേർന്ന് ഒരുക്കിയ തിരക്കഥ തന്നെയാണ് ചിത്രത്തിന്റെ നട്ടെല്ലായിട്ട് നില കൊള്ളുന്നത്. ഇമോഷനും ആക്ഷനും പ്രണയവും കോമഡിയും ഒത്തിണങ്ങിയ തിരക്കഥയ്ക്ക് ഏ ആർ റഹ്മാന്റെ സംഗീതവും കൂടി ചേർന്നപ്പോൾ മികച്ചൊരു ഭംഗി തന്നെയാണ് കൈ വന്നത്. സിംഗപ്പെണ്ണേ, വെറിത്തനം, ഉനക്കാകെ ഗാനങ്ങൾ പ്രത്യേകിച്ച് മികച്ച് നിന്നു. ഗംഭീര ഫ്രെയിംസുമായി ജി കെ വിഷ്ണുവും ബിഗിലിനെ ആഘോഷമാക്കി തീർത്തു. റൂബന്റെ എഡിറ്റിംഗും ആസ്വാദനത്തെ ഗംഭീരമാക്കി. പക്കാ ഇമോഷണൽ സ്റ്റൈലിഷ് മാസ്സ് എന്റർടൈനർ കൊതിക്കുന്നവർക്ക് തീർച്ചയായും വിസിൽ അടിച്ച് ബിഗിൽ ആസ്വദിക്കുവാൻ സാധിക്കും.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…