പ്രായം കൂടി എന്ന പേരില്‍ അദ്ദേഹത്തെ നഷ്ടപ്പെടുത്താന്‍ പറ്റുമായിരുന്നില്ല !!! മനസ് തുറന്ന് ചെമ്പന്‍വിനോദും ഭാര്യയും

പൊന്ന് ബ്രോസ്… വിവാഹത്തിന് പുരുഷനും സ്ത്രീക്കും ഇടയിലെ പ്രായവ്യത്യാസം ഇത്ര ആയിരിക്കണം എന്ന് നിയമം വല്ലതും ഉണ്ടോ !!! മലയാളസിനിമയില്‍ വളരെ ചുരുങ്ങിയ കാലം കൊണ്ട് പേരെടുത്ത താരം ചെമ്പന്‍ വിനോദിന്റെ വാക്കുകള്‍ ആണിത്. രണ്ടാം വിവാഹത്തിനായി ഒരുങ്ങുന്നുവെന്ന താരത്തിന്റെ വാര്‍ത്ത ചില്ലറ പൊല്ലാപ്പൊന്നുമല്ല സോഷ്യല്‍മീഡിയയില്‍ ഉണ്ടാക്കിയത്. ഒരു വിവാഹത്തിന്റെ പേരില്‍ ഇത്രയും പ്രശ്‌നങ്ങള്‍ ഉണ്ടാക്കാന്‍ എന്തിരിക്കുന്നു എന്നല്ലേ, കാരണമുണ്ട്. ചെമ്പന്‍ വിനോദിന് രണ്ടാം വിവാഹം, മാത്രമല്ല വധുവിന് പ്രായം ഇരുപത്തിയഞ്ച് ഇത്രയും മതിയല്ലോ വിമര്‍ശനത്തിന്.

ഒരു സൂചനപോലും തരാതെ അപ്രതീക്ഷിതമായാണ് ലോക്ഡൗണ്‍കാലത്ത് വിവാഹം നടന്നത്. ഇരുപത്തിയഞ്ചു വയസ്സുള്ള വ്യക്തിക്ക് തന്റെ ജീവിതത്തില്‍ തീരുമാനം എടുക്കാന്‍ പ്രാപ്തി ആയിട്ടുണ്ടെന്നും മറിയം എടുത്ത തീരുമാനമാണിത് അത് സമൂഹത്തിന് ഇഷ്ടപ്പെട്ടില്ലെങ്കില്‍ വിട്ടുകളയണമെന്നും മറ്റുള്ളവരുടെ ജീവിതത്തില്‍ ചുമ്മാ കടന്നു കയറുന്നത് ബോറാണെന്നും ചെമ്പന്‍ വിനോദ് കൂട്ടിചേര്‍ത്തു. ഒരു വിവാഹ ആഘോഷത്തില്‍ വച്ചാണ് ആദ്യമായി ഇരുവരും കണ്ടുമുട്ടുന്നത്, ആദ്യം നല്ല സൗഹൃദമായിരുന്നു, പിന്നെയാണ് വിവാഹത്തെക്കുറിച്ച് ആലോചിച്ചത്.

മനസ്സുകൊണ്ട് ഒത്തുപോകാന്‍ കഴിയുന്ന ആളാകണം പങ്കാളി എന്ന ആഗ്രഹമുണ്ടായിരുന്നു. അങ്ങനെ തന്നെ ഒരാളെ ലഭിച്ചുവെന്നും താരം പറഞ്ഞു.പതിനേഴ് വയസ്സിന്റെ വ്യത്യാസം ഇരുവരും തമ്മില്‍ ഉണ്ട്, എന്തും തുറന്നു പറയാവുന്ന വളരെ ഒത്തുപോകാന്‍ കഴിയുന്ന വ്യക്തിയാണ് ചെമ്പന്‍ വിനോദ്. അങ്ങനെ നോക്കുമ്പോള്‍ എന്റെ സങ്കല്‍പത്തിലുള്ള ആളാണ മറിയമെന്നും താരം പറഞ്ഞു. പ്രായം കൂടി എന്ന പേരില്‍ അദ്ദേഹത്തെ നഷ്ടപ്പെടുത്താന്‍ പറ്റുമായിരുന്നില്ല എന്നാണ് വിമര്‍ശകരോട് മറിയത്തിന് പറയാനുള്ളത്.