ആൻഡ്രോയ്ഡ് കുഞ്ഞപ്പനിലെ കുഞ്ഞപ്പനായത് സൂരജ് തേലക്കാട് ! രഹസ്യം പുറത്ത് വിട്ട് അണിയറ പ്രവർത്തകർ [VIDEO]

സൗബിൻ ഷാഹിർ ,സുരാജ് വെഞ്ഞാറമൂട് എന്നിവർ നായകന്മാരായി എത്തിയ ചിത്രമാണ് ആൻഡ്രോയ്ഡ് കുഞ്ഞപ്പൻ വേർഷൻ 5.25.ഫോഴ്സ്, ബദായ് ഹോ, മർഡ് കോ ദർദ് നഹി ഹോതാ എന്നീ ബോളിവുഡ് ചിത്രങ്ങളുടെയും നിരവധി പരസ്യ ചിത്രങ്ങളുടെയും പ്രൊഡക്ഷൻ ഡിസൈനറായ രതീഷ് ബാലകൃഷ്ണൻ പൊതുവാൾ ആദ്യമായി സംവിധാനം ചെയ്യുന്ന ചിത്രം കൂടിയാണ് ആൻഡ്രോയ്ഡ് കുഞ്ഞപ്പൻ.ചിത്രം കഴിഞ്ഞ വർഷത്തെ ഏറ്റവും വലിയ ഹിറ്റ് മലയാള ചിത്രങ്ങളിൽ ഒന്നാണ്. നുറുങ്ങ് നുറുങ്ങ് തമാശകളുമായി ഒരുക്കിയ ചിത്രം പ്രേക്ഷകരുടെ ഇഷ്ടം സ്വന്തമാക്കിയിരുന്നു.

ചിത്രം റിലീസായ അന്ന് മുതൽ പ്രേക്ഷകർക്കുള്ള സംശയമായിരുന്നു ചിത്രത്തിലെ കുഞ്ഞപ്പൻ റോബോട്ട് ഒർജിനൽ ആണോ അല്ലയോ എന്നുള്ളത്.ചിത്രം ഇറങ്ങി എഴുപത്തി അഞ്ച് ദിനങ്ങൾ പിന്നിടുന്ന അവസരത്തിൽ ഈ രഹസ്യം പുറത്ത് വിട്ടിരിക്കുകയാണ് അണിയറ പ്രവർത്തകർ ഇപ്പോൾ.ചിത്രത്തിൽ 90 ശതമാനം രംഗങ്ങളിലും കുഞ്ഞപ്പൻ റോബോട്ട് ആയി അഭിനയിച്ചത് സൂരജ് തേലക്കാട് എന്ന അനുഗ്രഹീത കലാകാരനാണ്.സൂരജിന് ഇണങ്ങുന്ന രീതിയിൽ ഉള്ള റോബോട്ട് കോസ്റ്റ്യും ഷൂട്ടിങ്ങിന് മുൻപേ തന്നെ അണിയറ പ്രവർത്തകർ തയ്യാറാക്കിയിരുന്നു. ചിത്രത്തിന്റെ ഷൂട്ടിങ്ങിന് വേണ്ടി സൂരജ് അനുഭവിച്ച കഷ്ടപ്പാടുകളും യാതനകളും ഇപ്പോൾ പുറത്ത് വിട്ട വീഡിയോയിൽ അണിയറ പ്രവർത്തകർ പറയുന്നത്.

മൂൺഷോട്ട് എന്റർടൈൻമെൻറ്സിന്റെ ബാനറിൽ സന്തോഷ് ടി കുരുവിളയാണ് ചിത്രം നിർമ്മിച്ചിരിക്കുന്നത്.മഹേഷിന്റെ പ്രതികാരം, മായാനദി തുടങ്ങിയ ചിത്രങ്ങൾ നിർമിച്ച നിർമാതാവാണ് സന്തോഷ് ടി കുരുവിള.കഴിഞ്ഞ വർഷത്തെ ഏറ്റവും വലിയ ഹിറ്റുകളിൽ ഒന്നായിരുന്നു ആൻഡ്രോയ്ഡ് കുഞ്ഞപ്പൻ

കെൻഡി സിർദോ,സൈജു കുറുപ്പ് എന്നിവരാണ് ചിത്രത്തിലെ മറ്റ് പ്രധാന അഭിനേതാക്കൾ. ചിത്രത്തിനായി ബോളിവുഡിലും തമിഴിലുമടക്കം നിരവധി ശ്രദ്ധേയമായ ചിത്രങ്ങൾക്ക് ഛായാഗ്രഹണം നിർവ്വഹിച്ച മലയാളി സാനു ജോൺ വർഗ്ഗീസ് ഛായാഗ്രഹണവും സൈജു ശ്രീധരൻ എഡിറ്റിംഗും ബിജിബാൽ സംഗീതവും ഹരിനാരായണൻ ഗാന രചനയും ജ്യോതിഷ് ശങ്കർ കലാ സംവിധാനവും ജയദേവൻ ചക്കാടത്ത് സൗണ്ട് ഡിസൈനിംഗും റോണക്സ് സേവ്യർ മേക്കപ്പും ജാക്കി വസ്ത്രാലങ്കാരവും നിർവ്വഹിക്കുന്നു.