‘ലവ് ഇൻ എയർ, പെയിൻ ഇൻ ട്രോമകെയർ’; അവധിക്കാലം ആഘോഷിക്കുന്ന അമൃതയുടെയും ഗോപി സുന്ദറിന്റെയും ചിത്രത്തിന് താഴെ വ്യത്യസ്ത കമന്റുമായി ആരാധകർ

കഴിഞ്ഞ ദിവസങ്ങളിൽ മനോഹരമായ കുറച്ചു ചിത്രങ്ങളാണ് അമൃത സുരേഷ് സോഷ്യൽ മീഡിയയിൽ പങ്കുവെച്ചത്. ഗോപി സുന്ദറിന് ഒപ്പം ഒഴിവുസമയം ആസ്വദിക്കുന്നതിന്റെ ചിത്രങ്ങൾ പക്ഷേ ആരാധകരെ ചൊടിപ്പിച്ചു. കാരണം, മറ്റൊന്നുമല്ല. അമൃതയുടെ മുൻ ഭർത്താവായ ബാല അസുഖബാധിതനായി ആശുപത്രിയിൽ ചികിത്സയിൽ കഴിയുകയാണ്. അങ്ങനെയൊരു സമയത്ത് ഇത്തരത്തിൽ അവധി ആഘോഷിക്കുന്നത് ശരിയാണോ എന്നാണ് ഒരു കൂട്ടം ആരാധകർ സോഷ്യൽ മീഡിയയിൽ ചോദിക്കുന്നത്.

ബാല ഇങ്ങനെ ആശുപത്രിയിൽ കഴിയുമ്പോൾ ഇതൊക്കെ വേണമായിരുന്നോ എന്നാണ് ചിലർ ചോദിക്കുന്നത്. ആക്ഷേപഹാസ്യ രൂപത്തിൽ കമന്റ് ചെയ്യാനും ചിലർ മറന്നില്ല. ലവ് ഇൻ ദ എയർ, പെയിൻ ഇൻ ദ ട്രോമാകെയർ എന്നായിരുന്നു രസകരമായ ഒരു കമന്റ്. അതേസമയം, വിമർശനങ്ങളുമായി എത്തിയവർക്ക് കമന്റ് ബോക്സിൽ തന്നെ മറ്റു ചിലർ മറുപടി നൽകുന്നുണ്ട്. അത് അവരുടെ ജീവിതമല്ലേ എന്നും അവർ എങ്ങനെ വേണമെങ്കിലും ജീവിക്കട്ടെ എന്നുമായിരുന്നു കമന്റ്.

കഴിഞ്ഞയിടെ ആയിരുന്നു സുഖമില്ലാതെ ബാലയെ ആശുപത്രിയിൽ പ്രവേശിപ്പിച്ചത്. ആശുപത്രിയിൽ പ്രവേശിപ്പിക്കപ്പെട്ട ബാല മകളെ കാണണമെന്ന് ആവശ്യപ്പെട്ടിരുന്നു. തുടർന്ന് മകളുമായി അമൃത ആശുപത്രിയിൽ എത്തിയിരുന്നു. അമൃതയ്ക്കൊപ്പം ഗോപി സുന്ദറും അമൃതയുടെ സഹോദരി അഭിരാമി സുരേഷും ഉണ്ടായിരുന്നു.