ഇതും പോത്തേട്ടൻ ബ്രില്യൻസ് ആണോ എന്ന് ആരാധകർ; സോഷ്യൽ മീഡിയയിൽ വൈറലായി ദിലീഷ് പോത്തന്റെ രസകരമായ ചിത്രം

മലയാള സിനിമാ പ്രേക്ഷകർക്ക് പ്രിയപ്പെട്ട സംവിധായകനും നടനുമാണ് ദിലീഷ് പോത്തൻ. തൊട്ടതെല്ലാം പൊന്നാക്കിയ ദിലീഷ് പോത്തന്റെ പുതിയ ഫേസ്ബുക്ക് പോസ്റ്റ് ഇപ്പോൾ സോഷ്യൽ മീഡിയയിൽ വൈറലാകുകയാണ്. അണ്ടർ വെയർ മാത്രം ധരിച്ച് കൂട്ടുകാരോടൊപ്പം നിൽക്കുന്ന ചിത്രമാണ് ദിലീഷ് പോത്തൻ പോസ്റ്റ് ചെയ്തിരിക്കുന്നത്. കുളിസീൻ @ 1999 എന്ന ക്യാപ്‌ഷനോട് കൂടെയാണ് ചിത്രം അദ്ദേഹം പങ്കുവെച്ചത്. പണ്ട് കോളേജ് കാലത്തുള്ള ഈ ചിത്രം ഇപ്പോൾ ഏറെ വൈറലായി കഴിഞ്ഞു. ഇതിന് വളരെ രസകരമായ കമന്റുകളും നൽക്കുന്നുണ്ട് പ്രേക്ഷകർ. ഇതും പോത്തേട്ടൻ ബ്രില്യൻസ് ആണോ എന്നാണ് ചിലർ ചോദിക്കുന്നത്.

2010-ൽ പുറത്തിറങ്ങിയ ’’9 KK റോഡ്’’ എന്ന ചിത്രത്തിന്റെ സഹസംവിധായകനായാണ് ദിലീഷ് പോത്തന്റെ തുടക്കം. തുടർന്ന് 22 ഫീമെയിൽ കോട്ടയം, ടാ തടിയാ, ഗാംഗ്സ്റ്റർ എന്നീ ചിത്രങ്ങളിൽ ആഷിഖ് അബുവിന്റെ സഹസംവിധായകനായി പ്രവർത്തിച്ചു)[8] . സാൾട്ട് ആന്റ് പെപ്പർ (2011) എന്ന ചിത്രത്തിൽ അഭിനയിച്ച ചെറിയ വേഷം ശ്രദ്ധിക്കപ്പെട്ടു. 22 ഫീമെയിൽ കോട്ടയം (2012), ഇടുക്കി ഗോൾഡ്(2013), ഗാംഗ്സ്റ്റർ(2014), ഇയ്യോബിന്റെ പുസ്തകം(2014) റാണി പത്മിനി(2015) എന്നീ ചിത്രങ്ങളിലും ചെറിയ വേഷങ്ങൾ ചെയ്തു. ദിലീഷ് നായർ സംവിധാനം ചെയ്ത ടമാർ പഠാർ എന്ന ചിത്രത്തിന്റെ മുഖ്യ സഹസംവിധായകനായിരുന്നു. 2016-ൽ മഹേഷിന്റെ പ്രതികാരത്തിലൂടെ സ്വതന്ത്രസംവിധായകനായി. രണ്ടാമത്തെ ചിത്രമായ തൊണ്ടിമുതലും ദൃക്സാക്ഷിയും 2017 ജൂൺ 30-ൻ റിലീസായി. ഈ ചിത്രത്തിലൂടെ മികച്ച സംവിധായകനുള്ള വനിതാ ഫിലിം അവാർഡ് കരസ്ഥമാക്കി[10]. തന്റെ ആദ്യ രണ്ട് ചിത്രങ്ങളിലൂടെ 2016-ലെയും 2017-ലെയും മികച്ച മലയാളചിത്രത്തിനുള്ള ദേശീയപുരസ്ക്കാരങ്ങൾ തുടർച്ചയായി നേടി അപൂർവ്വ നേട്ടത്തിനുടമയായി. തിരക്കഥാകൃത്തായ ശ്യാം പുഷ്കരനുമൊത്ത് ‘വർക്കിങ്ങ് ക്ലാസ്സ് ഹീറോ’ എന്ന പേരിൽ ഒരു ചലച്ചിത്രനിർമ്മാണ കമ്പനി ആരംഭിച്ചു
. ശ്യാം പുഷ്ക്കരന്റെ തിരക്കഥയിൽ മധു സി. നാരായണൻ സംവിധാനം ചെയ്ത ‘കുമ്പളങ്ങി നൈറ്റ്സ്’ (2019) ആണ് ഈ ബാനറിൽ നിർമ്മിച്ച ആദ്യചിത്രം