മലയാളി സിനിമാപ്രേമികൾ ഇപ്പോൾ കാത്തിരിക്കുന്നത് ഒരു സിനിമയ്ക്ക് മാത്രമാണ്. അത് ‘മരക്കാർ – അറബിക്കടലിന്റെ സിംഹം’ എന്ന പ്രിയദർശൻ ചിത്രമാണ്. കഴിഞ്ഞദിവസം പുറത്തുവിട്ട സിനിമയുടെ ടീസറുകൾക്ക് പ്രേക്ഷകർ വൻ സ്വീകരണമായിരുന്നു നൽകിയത്. തന്റെ നായകനെക്കുറിച്ച് സംവിധായകൻ മനസ് തുറന്നു. കുഞ്ഞാലി മരക്കാർ രാജ്യസ്നേഹിയാണെന്നും ജാതിക്കും മതത്തിനും മുകളിലായിരുന്നു മരക്കാറിന് അദ്ദേഹത്തിന്റെ രാജ്യമെന്നും പ്രിയദർശൻ പറഞ്ഞു. ദ ഹിന്ദു പത്രത്തിന് നൽകിയ അഭിമുഖത്തിൽ ആയിരുന്നു പ്രിയദർശൻ ഇങ്ങനെ പറഞ്ഞത്.
‘കുഞ്ഞാലി മരക്കാർ ഒരു രാജ്യസ്നേഹി ആയിരുന്നു. അദ്ദേഹത്തിന് രാജ്യത്തോടുള്ള സ്നേഹം ജാതിക്കും മതത്തിനും മുകളിലായിരുന്നു. ഈ സിനിമയിലൂടെ പ്രേക്ഷകരിലേക്ക് എത്തിക്കുന്ന സന്ദേശവും ഇതാണ്. കുഞ്ഞാലി മരക്കാറിന് വർഷങ്ങൾക്ക് മുമ്പ് അത് ചെയ്യാൻ കഴിഞ്ഞെങ്കിൽ നമുക്ക് എന്തുകൊണ്ടാണ് മതത്തിനു ജാതിക്കും മുകളിൽ രാജ്യത്തെ കാണാൻ സാധിക്കാത്തത്. ഞാനൊരു സംവിധായകനാണ്. എന്റെ ജീവിതമാർഗവും അതാണ്. സിനിമയിൽ മതമോ രാഷ്ട്രീയമോ ഇല്ല. അത് അങ്ങനെ ആയിരിക്കണം’ – പ്രിയദർശൻ പറഞ്ഞു.
പ്രിയദർശൻ രചിച്ച് സംവിധാനം ചെയ്യുന്ന ചിത്രം ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ് നിർമിച്ചിരിക്കുന്നത്. അഞ്ചു ഭാഷകളിൽ ആയി ഒരുക്കിയ ഈ ചിത്രം ഇന്ത്യയിലെ മികച്ച ചിത്രത്തിനുള്ള ദേശീയ പുരസ്കാരം ഉൾപ്പെടെ, മൂന്നു ദേശീയ അവാർഡുകളും മൂന്നു സംസ്ഥാന അവാർഡുകളും നേടിയിട്ടുണ്ട്. മോഹന്ലാലിനൊപ്പം അര്ജുന്, സുനില് ഷെട്ടി, മഞ്ജു വാര്യര്, കല്യാണി പ്രിയദര്ശന്, കീര്ത്തി സുരേഷ്, പ്രണവ് മോഹൻലാൽ, സുഹാസിനി, പ്രഭു എന്നിവരും മരക്കാറിലുണ്ട്. മൂണ് ഷോട്ട് എന്റര്ടെയിന്മെന്റിന്റെ ബാനറില് സന്തോഷ് ടി കുരുവിള, കോണ്ഫിഡന്റ് ഗ്രൂപ്പിന്റെ ബാനറില് റോയ് സി ജെ എന്നിവരാണ് മരക്കാറിന്റെ സഹനിർമാതാക്കൾ. തിരുനാവുക്കരശ് ആണ് ക്യാമറ.
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…
ജനപ്രിയ നായകൻ ദിലീപ് നായകനായി എത്തുന്ന പുതിയ ചിത്രം 'പവി കെയർ ടേക്കർ' ട്രയിലർ റിലീസ് ചെയ്തു. ഹാസ്യവും അതിനൊപ്പം…
സൂപ്പർ ഹിറ്റ് ആയിരുന്ന രാമലീല എന്ന ചിത്രത്തിന് ശേഷം ദിലീപിന് ഒപ്പം വീണ്ടും നടി രാധിക ശരത് കുമാർ. വിനീത്…
യുവനടൻമാരായ ധ്യാൻ ശ്രീനിവാസൻ, പ്രണവ് മോഹൻലാൽ, നിവിൻ പോളി എന്നിവരെ നായകരാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക്…