എം.ജി രാധാകൃഷ്ണന് പകരം തന്റെ സിനിമകളിൽ ഇനി ആര് ക്യാമറ ചലിപ്പിക്കും?ഉത്തരവുമായി ഡോക്ടർ ബിജു

ഏഴുതവണ മികച്ച ഛായാഗ്രാഹകനുള്ള സംസ്ഥാന അവാർഡ് നേടിയ മലയാള സിനിമ കണ്ട മികച്ച ഛായാഗ്രഹകരിൽ ഒരാളായിരുന്നു ഈയിടെ അന്തരിച്ച എം ജെ രാധാകൃഷ്ണൻ. ഏറ്റവും കൂടുതൽ തവണ മികച്ച ഛായാഗ്രാഹകനുള്ള സംസ്ഥാന പുരസ്കാരം നേടിയതിന്റെ റെക്കോർഡ് അദ്ദേഹത്തിന് പേരിലാണ്. ഇത്തവണ അദ്ദേഹത്തെ തേടി ദേശീയ അവാർഡ് എത്തിയിരുന്നു. എം.ജെ രാധാകൃഷ്ണന്റെ വേര്‍പാടില്‍ ഏറെ വേദനിക്കുന്ന ഒരു വ്യക്തിയാണ് സുഹൃത്തും സംവിധായകനുമായ ഡോ. ബിജു. കഴിഞ്ഞ 14 വർഷങ്ങളിലായി ബിജു സംവിധാനം ചെയ്ത 10 സിനിമകളിൽ ഒൻപതിലും ക്യാമറ ചലിപ്പിച്ചത് രാധാകൃഷ്ണനായിരുന്നു. ഇപ്പോൾ തന്റെ ചിത്രങ്ങളിൽ രാധാകൃഷ്ണന് പകരം ക്യാമറ ചലിപ്പിക്കുന്നത് ഇനിയാര് എന്ന് തുറന്നു പറയുകയാണ് ഡോ. ബിജു.

ഫേസ്ബുക്ക് പോസ്റ്റ് ചുവടെ:

കഴിഞ്ഞ 14 വർഷങ്ങളിൽ ചെയ്തത് 10 സിനിമകൾ ആണ്. അതിൽ 9 സിനിമകളുടെയും ഛായാഗ്രാഹകൻ പ്രിയപ്പെട്ട എം.ജെ.രാധാകൃഷ്ണൻ ചേട്ടൻ ആയിരുന്നു. ഇനിയും ചെയ്യാനുള്ള 4 സിനിമകൾ പൂർണ്ണമായ കഥ ഉൾപ്പെടെ എം.ജെ.ചേട്ടന് അറിയാമായിരുന്നു. ഛായാഗ്രാഹകൻ, സംവിധായകൻ എന്ന നിലയ്ക്കും അപ്പുറം അടുത്ത വ്യക്തി ബന്ധം ഉണ്ടായിരുന്ന എം.ജെ.ചേട്ടന്റെ മരണം തീർത്തും ആകസ്മികം ആയിരുന്നു. എം.ജെ.ചേട്ടൻ അല്ലാതെ മറ്റൊരാൾ എന്റെ സിനിമയ്ക്ക് ഛായാഗ്രഹണം ചെയ്യുന്ന ഒരു സാഹചര്യം ഇതേവരെ ആലോചിച്ചിട്ട് പോലും ഉണ്ടായിരുന്നില്ല. സംവിധായകൻ ഛായാഗ്രഹകൻ എന്ന നിലയിൽ ഞങ്ങളുടെ കൂട്ടുകെട്ട് അറിയാവുന്ന എല്ലാവരും കഴിഞ്ഞ രണ്ടു മാസമായി ചോദിക്കുന്ന ചോദ്യം അടുത്ത ചിത്രങ്ങളിൽ ഇനി ആരാണ് ക്യാമറാമാൻ എന്നതായിരുന്നു…അടുത്ത ചിത്രത്തിന്റെ പണിപ്പുരയിലാണ്… എം.ജെ.ചേട്ടന്റെ മകൻ യദു രാധാകൃഷ്ണൻ ഈ ചിത്രത്തിലൂടെ ആദ്യമായി സ്വതന്ത്ര ഛായാഗ്രാഹകൻ ആകും. കണ്ണൻ എന്നു ഞങ്ങൾ വിളിക്കുന്ന യദു എം.ജെ.ചേട്ടനൊപ്പം ഛായാഗ്രഹണ സഹായി ആയി ആദ്യം വർക്ക് ചെയ്ത സിനിമ ഞാൻ സംവിധാനം ചെയ്ത സൗണ്ട് ഓഫ് സൈലൻസ് ആയിരുന്നു. അതിനു ശേഷം പെയിൻറ്റിങ് ലൈഫും വെയിൽമരങ്ങളും ഉൾപ്പെടെ 17 ചിത്രങ്ങളിൽ എം.ജെ.ചേട്ടനൊപ്പം ഛായാഗ്രഹണ സഹായി ആയി. ലൈറ്റിങ്ങിലും ഫ്രെയിം സെൻസിലും എം.ജെ.ചേട്ടനുള്ള പ്രേത്യേക കഴിവ് കണ്ണനും ലഭിച്ചിട്ടുണ്ട്. കണ്ണൻ ആദ്യമായി സ്വതന്ത്യ ഛായാഗ്രാഹകൻ ആകുന്നത് ഞാൻ സംവിധാനം ചെയ്യുന്ന സിനിമയിലൂടെ ആകണം എന്നാണ് എം.ജെ.ചേട്ടനും ആഗ്രഹിച്ചിട്ടുണ്ടാവുക എന്ന് എനിക്ക് ഉറപ്പുണ്ട്..സിനിമയെക്കുറിച്ചുള്ള മറ്റ് വിശദാംശങ്ങൾ ഉടൻ…
M.J.Radhakrishnan and I worked together for 9 films. Our association was not just a relation as director and DOP. We were friends and he was like my elder brother. We were on discussion with our new projects and he knew the full story of my next 4 scripts. His unexpected demise was a great loss. After his death, many friends and film lovers asked me a big question. Who will be the cameraman for your next movies…I never expected that I need to think a cameraman other than MJ for any of my work. Now the time came up and I need to found a new DOP for my next movies. Now I am on the pre-production of my next movie and Yedhu Radhakrishnan Son of M.J.Radhakrishnan handle the camera. He will become independent cameraman through this work. Yedhu was joined as an associate cameraman with M.J for the film Sound of Silence directed by me. After that, he worked with M.J in 17 films including Painting Life, Trees under the sun directed by me. He will continue the legacy of M.J. And I am sure M.J. chettan also wished Yedhu became independent cameraman through the film directed by me. The details of the film will be informed soon.