ഫുൾ എക്സൈറ്റ്മെന്റ്…! UKയിൽ നിന്നും ‘ഡ്രാമാ’ ലൊക്കേഷനിലെ വീഡിയോ പങ്കുവെച്ച് ലാലേട്ടൻ

രഞ്ജിത്ത് – മോഹൻലാൽ കൂട്ടുക്കെട്ട് വീണ്ടുമൊരുമിക്കുന്ന ഡ്രാമായുടെ ഷൂട്ടിംഗ് UKയിൽ പുരോഗമിച്ചു കൊണ്ടിരിക്കുകയാണ്. UKയിൽ തന്റെ പ്രിയപ്പെട്ടവരെ കാണാൻ എത്തുന്ന ഒരു സ്ത്രീ അവിടെ വെച്ച് മരണമടയുകയും തുടർന്നുണ്ടാകുന്ന സംഭവങ്ങൾ സ്വാഭാവിക നർമത്തിൽ ചേർത്തവതരിപ്പിക്കുന്നതാണ് ചിത്രത്തിന്റെ സാരം എന്ന് റിപ്പോർട്ടുകൾ ഉണ്ട്. ചിത്രത്തിന്റെ ഷൂട്ടിംഗ് ലൊക്കേഷനിൽ നിന്നുമുള്ള ഒരു വീഡിയോയാണ് ഇപ്പോൾ വൈറലായിക്കൊണ്ടിരിക്കുന്നത്. ലാലേട്ടനും ആശാ ശരത്തും ചേർന്ന് ഒരു കാറിൽ യാത്ര ചെയ്യുന്ന വീഡിയോ ലാലേട്ടന്റെ പേജിലൂടെയാണ് പുറത്തുവിട്ടിരിക്കുന്നത്. ഷൂട്ടിങ്ങിനിടയിൽ നിന്നുമെടുത്ത ഒരു വീഡിയോയാണത്. രഞ്ജിത്ത് – മോഹൻലാൽ കൂട്ടുകെട്ടിൽ നിന്നും എന്തായാലും ഒരു മികച്ച ചിത്രം തന്നെ പ്രതീക്ഷിക്കാം.