ലാലേട്ടന്റെ വില്ലന് വധു മമ്മൂക്കയുടെ ബന്ധു..! റോഷൻ ബഷീർ വിവാഹിതനാകുന്നു

ജീത്തു ജോസഫ് ചിത്രം ദൃശ്യത്തിലൂടെ പ്രശസ്തനായ റോഷൻ ബഷീർ വിവാഹിതനാകുന്നു. ടൈംസ് ഓഫ് ഇന്ത്യക്ക് നൽകിയ അഭിമുഖത്തിലാണ് താരം ഇക്കാര്യം വെളിപ്പെടുത്തിയത്. ഫർസാനയെന്നാണ് വധുവിന്റെ പേര്. LLB പൂർത്തിയാക്കിയ ഫർസാനയുമായുള്ള വിവാഹം ഇപ്പോഴത്തെ സാഹചര്യങ്ങൾ കൂടുതൽ ഗുരുതരമാകാതിരിക്കുകയാണെങ്കിൽ ഓഗസ്റ്റ് അഞ്ചിന് നടക്കുമെന്നാണ് റോഷൻ ബഷീർ വ്യക്തമാക്കിയത്.

ഫർസാന മമ്മൂക്കയുടെ ബന്ധുവാണെന്നും റോഷൻ വ്യക്തമാക്കി. മമ്മൂക്കയുടെ അങ്കിളിന്റെ കൊച്ചുമകളാണ് ഫർസാന. റോഷന്റെ സഹോദരിയുടെ സുഹൃത്തായ ഫർസാനയെ ഒന്നു രണ്ടു വട്ടം കണ്ടിട്ടുള്ള റോഷനും ഫർസാനയും തമ്മിലുള്ള വിവാഹം ഇരു കുടുംബങ്ങളും ചേർന്ന് തീരുമാനിച്ചതാണ്. വിവാഹം ഉറപ്പിച്ചതിന് ശേഷമാണ് പ്രണയിച്ചു തുടങ്ങിയതെന്നും റോഷൻ വ്യക്തമാക്കി.

പ്ലസ് ടു എന്ന ചിത്രത്തിലൂടെ സിനിമ ലോകത്തേക്ക് കടന്ന് വന്ന റോഷൻ പിന്നീട് ഇന്നാണ് ആ കല്യാണം, ബാങ്കിങ് അവേഴ്‌സ്, റെഡ് വൈൻ തുടങ്ങിയ ചിത്രങ്ങളിലും അഭിനയിച്ചു. തുടർന്നാണ് മോഹൻലാൽ – ജീത്തു ജോസഫ് ചിത്രം ദൃശ്യത്തിലെ വരുൺ എന്ന വില്ലൻ കഥാപാത്രത്തെ അവതരിപ്പിച്ചത്. ദൃശ്യത്തിന്റെ തെലുങ്ക്, തമിഴ് റീമേക്കുകളിലും റോഷൻ അഭിനയിച്ചു. വിജയ് നായകനായ ഭൈരവയിലും താരം അഭിനയിച്ചു. RX 100 ഫെയിം പായൽ രാജ്പുതിനൊപ്പം അഭിനയിക്കുന്ന 5 W’s എന്ന തെലുങ്ക് ചിത്രമാണ് റോഷന്റെ അടുത്ത ചിത്രം.