പത്തുവർഷം മുമ്പ് ജീത്തു ജോസഫും മോഹൻലാലും ഒരുമിച്ചപ്പോൾ മലയാളത്തിന് കിട്ടിയ നിധി ആയിരുന്നു ദൃശ്യം. വീണ്ടും പത്തു വർഷത്തിനു ശേഷം മോഹൻലാലും ജീത്തു ജോസഫും കൈ കോർത്തപ്പോൾ ‘നേര്’ എന്ന സൂപ്പർഹിറ്റ് പടം പിറന്നിരിക്കുകയാണ്.ക്രിസ്മസ് റിലീസ് ആയി എത്തിയ ചിത്രം ഡിസംബർ 21നാണ് തിയറ്ററുകളിൽ എത്തിയത്. ആരാധകർ ഗംഭീര വരവേൽപ്പ് നൽകിയ ‘നേര്’ മോഹൻലാലിന്റെ അതുല്യമായ തിരിച്ചുവരവ് കൂടിയായി.
‘നേര്’ സിനിമയിലെ ദൃശ്യം റഫറൻസ് ആണ് ഇപ്പോൾ ചർച്ചയാകുന്നത്. നേരിലെ മോഹൻലാലിന്റെ കഥാപാത്രത്തിന്റെ സഹായി ആണ് ദൃശ്യം റഫറൻസ് നൽകുന്നത്. ക്രൈം മറച്ചു വയ്‍ക്കാൻ ദൃശ്യം കഥയില്‍ നായകൻ ബുദ്ധിപൂര്‍വം കാട്ടുന്ന ശ്രമങ്ങളില്‍ ഒന്നാണ് നേരിലെ മോഹൻലാലിന്റെ കഥാപാത്രത്തിന്റെ സഹായി സൂചിപ്പിക്കുന്നത്. അക്കാര്യം സൂചിപ്പിക്കുമ്പോൾ മോഹൻലാൽ ഒരു നോട്ടം നോക്കുന്നുണ്ട്. ആ നോട്ടത്തെയും ഏറ്റെടുത്തിരിക്കുകയാണ് ആരാധകർ. ദൃശ്യം റഫറൻസ് നടത്തുന്ന സമയത്ത് മോഹൻലാൽ നോക്കുന്ന നോട്ടത്തെ വളരെ ആവേശത്തോടെയാണ് സോഷ്യൽ മീഡിയയിൽ ആരാധകർ കൊണ്ടാടുന്നത്.
നേര് സിനിമയിൽ സസ്പെൻസ് ഇല്ലെന്നും ആരും സസ്പെൻസ് പ്രതീക്ഷിച്ച് വരേണ്ടതില്ലെന്നും അങ്ങനെ പോയാൽ നിരാശ ആയിരിക്കും ഫലമെന്നും ജീത്തു ജോസഫ് നേരത്തെ വ്യക്തമാക്കിയിരുന്നു. സിനിമ കണ്ടവരും അക്കാര്യം വ്യക്തമാക്കുകയാണ്. പതിമൂന്ന് വര്‍ഷങ്ങള്‍ക്ക് ശേഷം മോഹന്‍ലാല്‍ വക്കീല്‍ വേഷത്തില്‍ എത്തിയ ചിത്രമാണ് നേര്. സിദ്ദിഖ്, പ്രിയാമണി, ജഗദീഷ്, അനശ്വര രാജൻ, ശാന്തി മായാദേവി, ഗണേഷ് കുമാർ എന്നിവരാണ് ചിത്രത്തിൽ മറ്റ് പ്രധാനപ്പെട്ട കഥാപാത്രങ്ങളെ അവതരിപ്പിക്കുന്നത്. ശാന്തി മായാദേവിയാണ് നേരിന്‍റെ തിരക്കഥ രചിച്ചിരിക്കുന്നത്. ജീത്തു ജോസഫ് ആവശ്യപ്പെട്ടത് അനുസരിച്ചാണ് ശാന്തി തിരക്കഥ ഒരുക്കിയത്. സതീഷ് കുറുപ്പ് ആണ് ചിത്രത്തിന്റെ ഛായാഗ്രഹണം. ‘നീതി തേടുന്നു’ എന്നാണ് ഈ മോഹന്‍ലാല്‍ ചിത്രത്തിന്റെ ടാഗ് ലൈന്‍. വിഷ്ണു ശ്യാം ആണ് ചിത്രത്തിന്റെ സംഗീതസംവിധാനം നിർവഹിക്കുന്നത്.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…