ദുല്‍ഖര്‍ സല്‍മാനും കോക്ക്ടെയില്‍ എന്ന ബോളിവുഡ് ചിത്രത്തിലൂടെ ശ്രദ്ധേയയായ ഡയാന പെന്റിയും ഒരുമിച്ചെത്തുന്ന ചിത്രമാണ് സല്യൂട്ട്. ദുല്‍ഖര്‍ സല്‍മാന്‍ മുഴുനീള പൊലീസുകാരനായി വേഷമിടുന്ന ചിത്രം റോഷന്‍ ആന്‍ഡ്രൂസാണ് സംവിധാനം ചെയ്യുന്നത്. എസ്‌ഐ അരവിന്ദ് കരുണാകരന്‍ എന്ന പൊലീസുകാരനായാണ് ദുല്‍ഖര്‍ എത്തുന്നത്.
കഴിഞ്ഞ മാസം പുറത്തിറങ്ങിയ സിനിമയുടെ ടീസറിന് മികച്ച പ്രതികരണം ലഭിച്ചിരുന്നു. ഇപ്പോഴിതാ, സല്യൂട്ടില്‍ നിന്നും ഒരു തകര്‍പ്പന്‍ പോസ്റ്റര്‍ പുറത്തുവിട്ടിരിക്കുകയാണ് അണിയറപ്രവര്‍ത്തകര്‍. ഒപ്പം, കൊവിഡിനെ അതിജീവിച്ച് തിരിച്ചുവരാമെന്ന പ്രതീക്ഷയും പോസ്റ്റര്‍ പുറത്തു വിട്ടു കൊണ്ട് ദുല്‍ഖര്‍ സല്‍മാന്‍ പങ്കുവച്ചു.
‘ഈ സമയവും കടന്ന് നിങ്ങള്‍ എല്ലാവരും കാണാന്‍ ആഗ്രഹിക്കുന്ന സിനിമകള്‍ നിര്‍മിക്കുന്ന സാഹചര്യത്തിലേക്ക് ഞങ്ങള്‍ മടങ്ങും. ആ ചെറിയ സമയം വരെ ഇതൊന്നും ഒരിക്കലും സംഭവിച്ചില്ലെന്ന് വിശ്വസിക്കാം,’ ദുല്‍ഖര്‍ പോസ്റ്ററിനൊപ്പം ട്വിറ്ററില്‍ കുറിച്ചു. ചെങ്കൊടികളുമായി നില്‍ക്കുന്ന സമരക്കാര്‍ക്കിടയില്‍ മാസ് ഗെറ്റപ്പില്‍ വാക്കി ടോക്കിയും പൊലീസ് വടിയും പിടിച്ചുനില്‍ക്കുന്ന എസ്‌ഐ അരവിന്ദ് കരുണാകരനെയാണ് പോസ്റ്ററില്‍ കാണിച്ചിരിക്കുന്നത്.
ബോബി- സഞ്ജയ് കൂട്ടുകെട്ടാണ് സല്യൂട്ടിന്റെ തിരക്കഥ ഒരുക്കിയത്. മനോജ് കെ. ജയനും ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നു. അസ്ലം കെ. പുരയില്‍ ഛായാഗ്രഹണം നിര്‍വഹിക്കുന്ന ചിത്രത്തിന്റെ എഡിറ്റര്‍ ശ്രീകര്‍ പ്രസാദ് ആണ്. സന്തോഷ് നാരായണനാണ് സംഗീത സംവിധായകന്‍. ദുല്‍ഖര്‍ സല്‍മാന്റെ ഉടമസ്ഥതയിലുള്ള വേഫെയര്‍ ഫിലിംസ് ആണ് ചിത്രത്തിന്റെ നിര്‍മ്മാണം.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…