പൃഥ്വിരാജ് നായകനായി എത്തുന്ന ഭ്രമം ആമസോണിൽ റിലീസ് ആയി. എന്നാൽ, ചിത്രം റിലീസ് ചെയ്യുന്നതിന് നിമിഷങ്ങൾക്ക് മുമ്പ് ട്വിറ്ററിൽ ദുൽഖർ സൽമാനും പൃഥ്വിരാജും തമ്മിൽ നടന്ന ഒരു സംഭാഷണമാണ് ഇപ്പോൾ ചർച്ചയായിരിക്കുന്നത്. ‘സി ഐ ഡി രാംദാസിന് എന്നിൽ നിന്ന് എന്താണ് വേണ്ടത്. പൃഥ്വിരാജ് നിങ്ങൾ അയാൾക്ക് എന്റെ നമ്പർ നൽകിയോ?’ എന്നാണ് ദുൽഖർ സൽമാൻ ട്വിറ്ററിൽ ചോദിക്കുന്നത്. ഒരു ചിത്രം പങ്കുവെച്ചാണ് ദുൽഖറിന്റെ ഈ ചോദ്യം. ചിത്രത്തിൽ ഒരു സ്ക്രീനിൽ ‘ഭ്രമം’ സിനിമയിലെ ഒരു രംഗമാണ്. തൊട്ടടുത്ത് ഇരിക്കുന്ന ദുൽഖർ സൽമാൻ ഒരു ഫോണിലാണ്. ഈ ചിത്രത്തിനൊപ്പമാണ് പൃഥ്വിരാജിനോടുള്ള ദുൽഖർ സൽമാന്റെ ചോദ്യവും.
അതേസമയം, ദുൽഖറിന്റെ ചോദ്യത്തിന് പൃഥ്വിരാജ് മറുപടി നൽകിയത് ഇങ്ങനെ. ‘ഇതൊരു രഹസ്യമാണ്. നാളെ നിങ്ങൾ ഭ്രമത്തിന്റെ ലോകം അനാവരണം ചെയ്യുമ്പോൾ നിങ്ങൾ സത്യം അറിയും’. നമ്പർ നൽകിയോ എന്ന ദുൽഖർ സൽമാന്റെ ചോദ്യത്തിന് ആരാധകരും മറുപടി നൽകുന്നുണ്ട്. മിക്കവാറും കൊടുക്കാനാണ് സാധ്യതയെന്നാണ് ഒരാൾ മറുപടിയായി ട്വീറ്റ് ചെയ്തത്.
രവി കെ ചന്ദ്രൻ സംവിധാനം ചെയ്ത സിനിമയിൽ പൃഥ്വിരാജ് സുകുമാരനൊപ്പം മംമ്ത മോഹൻദാസ്, രാശി ഖന്ന, ഉണ്ണി മുകുന്ദൻ എന്നിവരും പ്രധാനവേഷങ്ങളിൽ എത്തുന്നു. ബി കെ ഹരിനാരായണന്‍ എഴുതിയ വരികള്‍ സംഗീതം നല്‍കി ചിട്ടപ്പെടുത്തിയത് ജേക്‌സ് ബിജോയ് ആണ്. സസ്പെന്‍സും ഡാര്‍ക്ക് ഹ്യൂമറും ഉള്‍ക്കൊള്ളുന്ന ക്രൈം ത്രില്ലറാണ് ചിത്രം. ബോളിവുഡ് ഹിറ്റ് ചിത്രമായ ‘അന്ധാദുന്‍’ന്റെ റിമേക്ക് ആണ് ഭ്രമം. പിയാനിസ്റ്റായാണ് പൃഥ്വിരാജ് അഭിനയിക്കുന്നത്. പൊലീസ് ഇന്‍സ്‌പെക്ടറുടെ വേഷത്തില്‍ ഉണ്ണി മുകുന്ദനും വേഷമിടുന്നു. ശരത് ബാലന്‍ ആണ് മലയാളി പ്രേക്ഷകര്‍ക്ക് ഇഷ്ടമുള്ള രീതിയിലേക്ക് തിരക്കഥ മാറ്റിയെഴുതിയത്. സിനിമയുടെ സംവിധായകനായ രവി കെ ചന്ദ്രന്‍ തന്നെയാണ് ഛായാഗ്രഹണവും നിര്‍വഹിച്ചത്. എഡിറ്റിംഗ് – ശ്രീകർ പ്രസാദ്, കല – ദിലീപ് നാഥ്, കോസ്റ്റ്യൂം ഡിസൈനർ – അക്ഷയ പ്രേമനാഥ്, അസ്സോസിയേറ്റ് ഡയറക്ടർ – ജിത്തു അഷ്റഫ്, സൂപ്പർവൈസിങ് പ്രൊഡ്യൂസർ – അശ്വതി നടുത്തൊടി, പ്രൊഡക്ഷൻ കൺട്രോളർ – ജിനു പി കെ, സ്റ്റീൽസ് – ബിജിത് ധർമ്മടം, മേക്കപ്പ് – റോണക്‌സ് സേവ്യർ, എക്സിക്യൂട്ടീവ് പ്രൊഡ്യൂസർ – ഓപ്പൺ ബുക്ക് പ്രൊഡക്ഷൻ, ടൈറ്റിൽ ഡിസൈൻ – ആനന്ദ് രാജേന്ദ്രൻ, പ്രൊഡക്ഷൻ എക്സിക്യൂട്ടീവ് – ഷൈൻ, പ്രൊഡക്ഷൻ മാനേജർ – പ്രിൻസ്, വാട്ട്‌സൺ. എപി ഇന്റര്‍നാഷണല്‍, വയാകോം18 സ്റ്റുഡിയോസ് എന്നീ ബാനറുകളിലാണ് ചിത്രം നിര്‍മിച്ചിരിക്കുന്നത്.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…