പൃഥ്വിവിന്റെ നായികയായി ആദ്യം തെരഞ്ഞെടുത്തത് എന്നെ അല്ലായിരുന്നു; ദുര്‍ഗ കൃഷ്ണ

പൃഥ്വിരാജ് കേന്ദ്ര കഥാപാത്രമായി എത്തിയ വിമാനം എന്ന ചിത്രത്തിലൂടെ പ്രേക്ഷക ശ്രദ്ധ നേടിയ താരമാണ് ദുര്‍ഗ കൃഷ്ണ. പ്രേതം 2, ലവ് ആക്ഷന്‍ ഡ്രാമ തുടങ്ങിയ ചിത്രങ്ങളിലും ദുര്‍ഗ അഭിനയിച്ചിട്ടുണ്ട്. ചുരുങ്ങിയ സമയം കൊണ്ട് വ്യത്യസ്തമായ കഥാപാത്രങ്ങള്‍ ചെയ്ത് താരം യുവ നടിമാരുടെ ലിസ്റ്റില്‍ ഇടം നേടി കഴിഞ്ഞിരിക്കുകയാണ്. വൃത്തം, റാം, കിങ്ഫിഷ് തുടങ്ങിയ ചിത്രങ്ങളിലും ഇപ്പോള്‍ ദുര്‍ഗ അഭിനയിക്കുന്നുണ്ട്. കേരള കൗമുദിക്കു നല്‍കിയ പ്രത്യേക അഭിമുഖത്തില്‍ താരം ഇപ്പോള്‍ മനസ്സ് തുറക്കുകയാണ്. നായികമാരുടെ അവസ്ഥ പണ്ടത്തെപ്പോലെ അല്ല എന്നാണ് ദുര്‍ഗ തുറന്ന് പറയുന്നത്. പുതിയ നായികമാര്‍ക്ക് ആണ് ഇപ്പോള്‍ പരിഗണന. ഒരുപാട് വര്‍ഷം നില്‍ക്കാത്ത അവര്‍ പെട്ടെന്ന് ഇന്‍ഡസ്ട്രിയില്‍ നിന്ന് പുറത്താകും. കുറച്ചധികം സിനിമകള്‍ വന്നു ചേര്‍ന്നാല്‍ അവര്‍ ഡിമാന്‍ഡുകള്‍ മുന്നോട്ട് വയ്ക്കും. അപ്പോഴേക്കും അടുത്ത നായിക ഇന്‍ഡസ്ട്രിയില്‍ വന്നിട്ടുണ്ടാകും. നായികമാര്‍ ഡിമാന്‍ഡ് ചെയ്തിട്ടുണ്ടെങ്കില്‍ ആ നായികയെ വേണ്ട മറ്റൊരു നായികയെ കാസ്റ്റ് ചെയ്യാം എന്ന തീരുമാനമാണ് പലര്‍ക്കും . അങ്ങനെ ചെയ്യുന്നത് ചില പ്രോജക്ടുകളില്‍ താന്‍ കണ്ടിട്ടുണ്ട്.

പക്ഷേ നടന്മാരുടെ കാര്യം നേരെ മറിച്ചാണ് , ഒരു നടന്‍ അല്ലെങ്കില്‍ മറ്റൊരു നടന്‍ നിര്‍ബന്ധം ആയിരിക്കും. പക്ഷെ നായികമാരുടെ കാര്യത്തില്‍ നിര്‍ബന്ധം കാണിക്കാറില്ല. ഒരുപാട് പേര്‍ വന്നു കൊണ്ടിരിക്കുന്നത് ആണ് ഇതിന് കാരണം. വളരെ ശ്രദ്ധിച്ച് കൈ കാര്യം ചെയ്തില്ലെങ്കില്‍ നമ്മുടെ വേഷം അപ്പോള്‍ നഷ്ടപ്പെടും.നായികമാര്‍ മാത്രമല്ല സീനിയര്‍ ആര്‍ട്ടിസ്റ്റുകള്‍ വരെ ഇത് ഫേസ് ചെയ്യാറുണ്ട്. തന്റെ ആദ്യ ചിത്രത്തില്‍ മറ്റൊരു നായികയായിരുന്നു ആദ്യം തീരുമാനിച്ചത് അവരുടെ ഡേറ്റും പ്രതിഫലവും എല്ലാം പ്രശ്‌നമായി വന്നതിനെ തുടര്‍ന്നാണ് തന്നെ ഇതിലേക്ക് തീരുമാനിച്ചത് , മാത്രമല്ല കമ്മിറ്റ് ചെയ്ത ശേഷം വേണ്ടിയിരുന്നില്ലെന്ന് തോന്നിയ സിനിമകളുമുണ്ട് എന്നും താരം കൂട്ടിചേര്‍ത്തു.