വീട്ടിനകത്തും, പുറത്ത് പോകുമ്പോഴുമെല്ലാം ഷോർട്സ് ധരിക്കുന്ന ഒരാളാണ് ഞാൻ;മനസ്സ് തുറന്ന് എസ്തർ

ഒരു നാൾ വരും എന്ന മോഹൻലാൽ – ടി കെ രാജീവ് കുമാർ ചിത്രത്തിൽ മോഹൻലാലിന്റെ മകളായി അഭിനയിച്ചു അരങ്ങേറ്റം കുറിച്ച എസ്തർ അനിൽ മലയാളികളുടെ മനസ്സിൽ ചേക്കേറിയത് മോഹൻലാൽ-ജീത്തു ജോസഫ് കൂട്ടുകെട്ടിലിറങ്ങിയ ദൃശ്യം എന്ന ചിത്രത്തിലൂടെയായിരുന്നു. മലയാളത്തിലെ ആദ്യത്തെ 50 കോടി ക്ലബ്ബിൽ ഇടംപിടിച്ച ചിത്രമായിരുന്നു ദൃശ്യം. ഈ സവിശേഷത മറ്റു ഭാഷകളിലേക്കും എസ്തറിനെ എത്തിച്ചു. ദൃശ്യത്തിന്റെ തമിഴ് റീമേക്കായ പാപനാശത്തിൽ കമൽ ഹാസന്റെ മകളായി അഭിനയിച്ച എസ്തർ അതിനു ശേഷം അതിന്റെ തെലുങ്ക് പതിപ്പിലും വേഷമിട്ടു. കാളിദാസ് ജയറാം- ജീത്തു ജോസഫ് ചിത്രമായ മിസ്സിസ്റ്റർ ആൻഡ് മിസിസ് റൗഡി, ഷാജി എൻ കരുൺ ചിത്രമായ ഓള്, സന്തോഷ് ശിവൻ ചിത്രമായ ജാക്ക് ആൻഡ് ജിൽ എന്നിവയിലും എസ്തർ അനിൽ അഭിനയിച്ചു കഴിഞ്ഞു.

കഴിഞ്ഞദിവസം അനശ്വര രാജനെതിരെ സൈബർ ആക്രമണം ഉണ്ടാവുകയും നിരവധി താരങ്ങൾ we have legs എന്ന ക്യാമ്പയിനുമായി ഇതിനെതിരെ പ്രതികരിക്കുകയും ചെയ്തിരുന്നു. അനശ്വര ധരിച്ച ഒരു വസ്ത്രമായിരുന്നു ആളുകളെ ചൊടിപ്പിച്ചത്. എസ്തറും ഈ പ്രതികരണത്തിൽ പങ്കാളിയായിരുന്നു. ഗൃഹലക്ഷ്മിക്ക് നൽകിയ അഭിമുഖത്തിൽ ഇതിനെക്കുറിച്ച് തുറന്നുപറയുകയാണ് എസ്തർ.

താരത്തിന്റെ വാക്കുകൾ:

ഇൻസ്റ്റാഗ്രാമിൽ പലവട്ടം നെഗറ്റീവ് കമെന്റുകൾ ശ്രദ്ധയിൽ പെട്ടിട്ടുണ്ട് പലപ്പോഴും പ്രതികരിക്കാതെ അവഗണിക്കുകയായിരുന്നു. സാനിയ ഇയ്യപ്പനും അനിഖ സുരേന്ദ്രനുമെല്ലാം വലിയ രീതിയിലുള്ള സൈബർ അറ്റാക്കിങ് നേരിട്ടിട്ടുണ്ട്. ഞങ്ങൾ ഈ വിഷയത്തെ കുറിച്ചു പരസ്പരം ചർച്ച ചെയ്യാറുണ്ട് എന്നല്ലാതെ ഇന്നുവരെ പ്രതികരിച്ചിട്ടില്ല. പക്ഷെ അനശ്വരക്ക് നേരെ അക്രമണമുണ്ടായപ്പോൾ മിണ്ടാതിരിക്കാൻ തോന്നിയില്ല. അതിനിടെ മറ്റൊരു പോസ്റ്റും ശ്രദ്ധയിൽപെട്ടു. പ്രിത്വിരാജിന്റെയും അനശ്വരയുടെയും പോസ്റ്റിനു താഴെ വന്ന കമെന്റുകൾ ചേർത്ത ഒരു കൊളാഷ്. പ്രിത്വിരാജ് ബോഡി കാണിച്ചു നിൽക്കുന്ന ഫോട്ടോക്ക് താഴെ പോസറ്റീവ് കമെന്റുകൾ എന്നാൽ അനശ്വരയുടെ ഫോട്ടോക്ക് താഴെ വന്നത് അശ്ലീലവും. അതുകൂടെ കണ്ടപ്പോൾ ഷോർട്സ് ധരിച്ച ഫോട്ടോ പോസ്റ്റ്‌ ചെയ്യണമെന്ന് തോന്നി. വീട്ടിനകത്തും, പുറത്ത് പോകുമ്പോഴുമെല്ലാം ഷോർട്സ് ധരിക്കുന്ന ഒരാളാണ് ഞാൻ. ഏറ്റവും കംഫോര്ട്ടബിൾ ആയ വസ്ത്രങ്ങളിൽ ഒന്നാണ്.