സിനിമാ ലോകത്തിലെ ഒരു മികച്ച അഭിനേത്രി മാത്രമല്ല വളരെ നല്ല മനസ്സുള്ള ഒരു സാമൂഹ്യപ്രവര്‍ത്തക കൂടിയാണെന്ന് തെളിയിച്ചിരിക്കുകയാണ് നടി സാമന്ത. ജീവിതത്തിൽ വളരെയധികം കഷ്ട്ടത അനുഭവിക്കുന്ന സ്ത്രീക്ക് 12 ലക്ഷത്തിന് കാര്‍ വാങ്ങി നല്‍കി മാതൃകയായി മാറിയിരിക്കുകയാണ് നടി. മാസങ്ങള്‍ക്കു മുന്‍പ് സാമന്ത നടത്തിയ ചാറ്റ്ഷോയുടെ ലൊക്കേഷനിലെത്തിയ കവിത എന്ന സ്ത്രീക്കാണ് സാമന്ത സഹായം നല്‍കിയിരിക്കുന്നത്. ഗാര്‍ഹിക പീഡനത്തിന് ഇരയായ കവിത ഓട്ടോറിക്ഷ ഓടിച്ചാണ് കുടുംബം പുലര്‍ത്തുന്നത്.
അമ്മയുടെ മരണത്തിന് ശേഷം ഏഴ് സഹോദരിമാര്‍ക്ക് ഏക ആശ്രയമാണ് കവിത. കവിതയുടെ ഈ കഥകേട്ട് സാമന്ത ഒരു കാര്‍ വാങ്ങി നല്‍കിയാല്‍ കുറച്ചുകൂടി മെച്ചപ്പെട്ട സാമ്ബത്തിക നേട്ടമുണ്ടാക്കി കുടുംബം പുലര്‍ത്താന്‍ സാധിക്കുമെന്ന് മനസ്സിലാക്കുകയും, കാര്‍ വാങ്ങി നല്‍കാമെന്ന് പറയുകയുമായിരുന്നു. ഈ വാക്ക് പാലിക്കുന്നതിന് വേണ്ടിയാണ് സാമന്ത കവിതയ്ക്ക് ഇത്രയും വിലയുള്ള കാര്‍ വാങ്ങി നല്‍കിയത്.സാമന്തയുടെ ഏറ്റവും പുതിയ ചിത്രമാണ് ഗുണശേഖരന്‍ സംവിധാനംചെയ്യുന്ന ശാകുന്തളം.
